Reseidiń burynǵy ekonomikalyq damý ministri Aleksei Ýliýkaev shartty túrde merziminen buryn bosatylýyna bailanysty Tverdegi koloniiadan shyqty, - dep habarlaidy Tengrinews.kz tilshisi.
Bul týraly SOTA portalynyń Twitter-paraqshasyna jariialandy. Ýliýkaev №1 túzeý koloniiasynda jazasyn ótegeni aityldy. Eks-ministrdi koloniia aýmaǵynan djip kóligine otyrǵyzyp alyp shyqqan. Ýliýkaevtyń ózi jýrnalistermen sóilespegen.
Buǵan deiin 27 sáýirde Tver qalasynyń Máskeý aýdandyq soty Ýliýkaevtyń shartty túrde merziminen buryn bosatý týraly ótinishin qanaǵattandyrǵan bolatyn. Sot sheshimi týraly habarlama eks-ministrge 28 sáýirde tapsyrylǵan.
Eske salaiyq, Ýliýkaev Resei tarihynda jemqorlyq isi boiynsha ustalǵan alǵashqy federal ministr boldy. Resei Federatsiiasy Ekonomikalyq damý ministrliginiń eks-basshysy 2017 jyly "Rosneft" ókilderinen 2 million dollar kóleminde para alý kezinde ustalǵan. Ýliýkaev ózine taǵaiyndalǵan bas bostandyǵynan aiyrý merziminiń shamamen 5,5 jylyn ótegen.
