رەسەيدٸڭ بۇرىنعى ەكونوميكالىق دامۋ مينيسترٸ الەكسەي ۋليۋكاەۆ شارتتى تٷردە مەرزٸمٸنەن بۇرىن بوساتىلۋىنا بايلانىستى تۆەردەگٸ كولونييادان شىقتى, - دەپ حابارلايدى Tengrinews.kz تٸلشٸسٸ.
بۇل تۋرالى SOTA پورتالىنىڭ Twitter-پاراقشاسىنا جارييالاندى. ۋليۋكاەۆ №1 تٷزەۋ كولونيياسىندا جازاسىن ٶتەگەنٸ ايتىلدى. ەكس-مينيستردٸ كولونييا اۋماعىنان دجيپ كٶلٸگٸنە وتىرعىزىپ الىپ شىققان. ۋليۋكاەۆتىڭ ٶزٸ جۋرناليستەرمەن سٶيلەسپەگەن.
بۇعان دەيٸن 27 سەۋٸردە تۆەر قالاسىنىڭ مەسكەۋ اۋداندىق سوتى ۋليۋكاەۆتىڭ شارتتى تٷردە مەرزٸمٸنەن بۇرىن بوساتۋ تۋرالى ٶتٸنٸشٸن قاناعاتتاندىرعان بولاتىن. سوت شەشٸمٸ تۋرالى حابارلاما ەكس-مينيسترگە 28 سەۋٸردە تاپسىرىلعان.
ەسكە سالايىق, ۋليۋكاەۆ رەسەي تاريحىندا جەمقورلىق ٸسٸ بويىنشا ۇستالعان العاشقى فەدەرال مينيستر بولدى. رەسەي فەدەراتسيياسى ەكونوميكالىق دامۋ مينيسترلٸگٸنٸڭ ەكس-باسشىسى 2017 جىلى "روسنەفت" ٶكٸلدەرٸنەن 2 ميلليون دوللار كٶلەمٸندە پارا الۋ كەزٸندە ۇستالعان. ۋليۋكاەۆ ٶزٸنە تاعايىندالعان باس بوستاندىعىنان ايىرۋ مەرزٸمٸنٸڭ شامامەن 5,5 جىلىن ٶتەگەن.
