Reseide alǵash ret "britandyq koronavirýs shtamy" tirkeldi. Bul týraly Rospotrebnadzor jetekshisi Anna Popova habarlady. Virýs Ulybritaniiadan oralǵan Resei azamatynan anyqtalǵan. Naqty qai kezde anyqtalǵany belgisiz. Qazir eki el arasynda áýe qatynasy toqtaǵan.
«Bir adamda koronavirýstyń jańa shtammy anyqtaldy», - dedi ol Ulybritaniiadan oralǵan RF azamattaryn tekserý nátijelerine pikir bildire otyryp.
Onyń aitýynsha, koronavirýstyń «britandyq» shtammy Reseide alǵash ret byltyrǵy jyldyń sońynda tirkelgen, ol adam qazir qaýipti emes.
«Biz byltyrǵy jyldyń sońynda qazirgi ýaqytta úrei týdyryp otyrǵan Ulybritaniiadaǵy sol shtamnyń nusqasy elimizde bar ekenin anyqtadyq, tek bir adamda. Onyń jaǵdaiy jaqsy bolatyn jáne qazir de jaqsy. Azamatta aýrýdyń esh belgisi bolǵan joq. Ol qazirgi ýaqytta virýsty taratpaidy», - dedi ol.
Popova atap ótkendei, virýs burynǵydan qaýiptirek bola túsken joq. Alaida onyń juqpalylyǵy artqan.
Mamandar koronavirýstyń jańa túri kádimgisine qaraǵanda 50-70 paiyz jyldam taralatynyn aityp otyr. Virýs mýtatsiiasy Ulybritaniiada shapshań jaiylyp barady, sonyń saldarynan atalǵan elde keiingi kúnderi bir táýlikte 50 myńnan astam naýqas tirkelip júr. Bul - buryn-sońdy tirkelmegen joǵary kórsetkish. Bilik qaitadan jappai lokdaýn engizýge májbúr bolǵan.
Ulybritaniiada Covid-tiń ózgergeni jaily aqparat alǵash ret jeltoqsan ortasynda aityla bastaǵan. Infektsionisterdiń pikirinshe, jańa shtamm koronavirýsty jeńe almaǵan immýniteti álsiz naýqas aǵzasynda jetilip, damyǵan bolýy múmkin.
Koronavirýstyń jańa shtamy qazir Qytai, Ispaniia, Shvetsiia, Frantsiia, Daniia, Niderland, Italiia, Germaniia jáne Aziia men Taiaý Shyǵystaǵy birqatar elderde anyqtalǵan. Soǵan bailanysty 20-dan astam el Ulybritaniiamen áýe qatynasyn toqtatqan.
Dúniejúzilik densaýlyq saqtaý uiymynyń tótenshe jaǵdai jónindegi basqarma jetekshisi Maik Raian indet kezinde jańa shtamnyń paida bolýy qalypty qubylys, soǵan bola jaǵdai baqylaýdan shyqty dep aitýǵa bolmaidy dep sanaidy.
Reseide resmi málimet boiynsha, keiingi kúnderi jeltoqsanmen salystyrǵanda koronavirýs juqqandar azaiǵan. Munda kúnine 23-25 myń adamnan infektsiia anyqtalyp júr. Degenmen Popova jaǵdai jaqsardy dep aitýǵa áli erte dep esepteidi.
