رەسەيدە العاش رەت "بريتاندىق كوروناۆيرۋس شتامى" تٸركەلدٸ. بۇل تۋرالى روسپوترەبنادزور جەتەكشٸسٸ اننا پوپوۆا حابارلادى. ۆيرۋس ۇلىبريتانييادان ورالعان رەسەي ازاماتىنان انىقتالعان. ناقتى قاي كەزدە انىقتالعانى بەلگٸسٸز. قازٸر ەكٸ ەل اراسىندا ەۋە قاتىناسى توقتاعان.
«بٸر ادامدا كوروناۆيرۋستىڭ جاڭا شتاممى انىقتالدى», - دەدٸ ول ۇلىبريتانييادان ورالعان رف ازاماتتارىن تەكسەرۋ نەتيجەلەرٸنە پٸكٸر بٸلدٸرە وتىرىپ.
ونىڭ ايتۋىنشا, كوروناۆيرۋستىڭ «بريتاندىق» شتاممى رەسەيدە العاش رەت بىلتىرعى جىلدىڭ سوڭىندا تٸركەلگەن, ول ادام قازٸر قاۋٸپتٸ ەمەس.
«بٸز بىلتىرعى جىلدىڭ سوڭىندا قازٸرگٸ ۋاقىتتا ٷرەي تۋدىرىپ وتىرعان ۇلىبريتانيياداعى سول شتامنىڭ نۇسقاسى ەلٸمٸزدە بار ەكەنٸن انىقتادىق, تەك بٸر ادامدا. ونىڭ جاعدايى جاقسى بولاتىن جەنە قازٸر دە جاقسى. ازاماتتا اۋرۋدىڭ ەش بەلگٸسٸ بولعان جوق. ول قازٸرگٸ ۋاقىتتا ۆيرۋستى تاراتپايدى», - دەدٸ ول.
پوپوۆا اتاپ ٶتكەندەي, ۆيرۋس بۇرىنعىدان قاۋٸپتٸرەك بولا تٷسكەن جوق. الايدا ونىڭ جۇقپالىلىعى ارتقان.
ماماندار كوروناۆيرۋستىڭ جاڭا تٷرٸ كەدٸمگٸسٸنە قاراعاندا 50-70 پايىز جىلدام تارالاتىنىن ايتىپ وتىر. ۆيرۋس مۋتاتسيياسى ۇلىبريتانييادا شاپشاڭ جايىلىپ بارادى, سونىڭ سالدارىنان اتالعان ەلدە كەيٸنگٸ كٷندەرٸ بٸر تەۋلٸكتە 50 مىڭنان استام ناۋقاس تٸركەلٸپ جٷر. بۇل - بۇرىن-سوڭدى تٸركەلمەگەن جوعارى كٶرسەتكٸش. بيلٸك قايتادان جاپپاي لوكداۋن ەنگٸزۋگە مەجبٷر بولعان.
ۇلىبريتانييادا Covid-تٸڭ ٶزگەرگەنٸ جايلى اقپارات العاش رەت جەلتوقسان ورتاسىندا ايتىلا باستاعان. ينفەكتسيونيستەردٸڭ پٸكٸرٸنشە, جاڭا شتامم كوروناۆيرۋستى جەڭە الماعان يممۋنيتەتٸ ەلسٸز ناۋقاس اعزاسىندا جەتٸلٸپ, دامىعان بولۋى مٷمكٸن.
كوروناۆيرۋستىڭ جاڭا شتامى قازٸر قىتاي, يسپانييا, شۆەتسييا, فرانتسييا, دانييا, نيدەرلاند, يتالييا, گەرمانييا جەنە ازييا مەن تاياۋ شىعىستاعى بٸرقاتار ەلدەردە انىقتالعان. سوعان بايلانىستى 20-دان استام ەل ۇلىبريتانييامەن ەۋە قاتىناسىن توقتاتقان.
دٷنيەجٷزٸلٸك دەنساۋلىق ساقتاۋ ۇيىمىنىڭ تٶتەنشە جاعداي جٶنٸندەگٸ باسقارما جەتەكشٸسٸ مايك رايان ٸندەت كەزٸندە جاڭا شتامنىڭ پايدا بولۋى قالىپتى قۇبىلىس, سوعان بولا جاعداي باقىلاۋدان شىقتى دەپ ايتۋعا بولمايدى دەپ سانايدى.
رەسەيدە رەسمي مەلٸمەت بويىنشا, كەيٸنگٸ كٷندەرٸ جەلتوقسانمەن سالىستىرعاندا كوروناۆيرۋس جۇققاندار ازايعان. مۇندا كٷنٸنە 23-25 مىڭ ادامنان ينفەكتسييا انىقتالىپ جٷر. دەگەنمەن پوپوۆا جاعداي جاقساردى دەپ ايتۋعا ەلٸ ەرتە دەپ ەسەپتەيدٸ.
