Reseide bir táýlikte koronavirýs juqtyrǵandar sany 18 283-ke jetti, bul - pandemiia bastalǵaly tirkelgen eń joǵary kórsetkish. Jalpy infektsiiaǵa shaldyqqandar sany 1 599 976-ǵa artty, dep habarlady juma kúni koronavirýspen kúres jedel shtaby. Bul týraly TASS agenttigi habarlady.
Shtab málimetinshe, ósim 1,2%-dy quraǵan.
Sheshenstan men Daǵystan Respýblikalary (0,5%-dan), Máskeý oblysy, Chývash Respýblikasy men Tatarstan Respýblikasynda (0,6%-dan) ósý qarqyny tómendegen.
Bir táýlikte koronavirýs juqtyrǵandar sany: Máskeýde – 5 268, Máskeý oblysy – 524, Arhangelsk oblysy – 325, Rostov oblysy – 310, Voronej oblysynda – 296.
Jazylyp shyqqandar sany táýligine 14 519 adamǵa deiin artty, jalpy infektsiiadan 1 200 560 naýqas jazylyp shyqqan. Shtaby málimeti boiynsha, saýyǵyp shyqqandar sany jalpy juqtyrǵandardyń 75%-yn quraidy.
Táýlik ishinde koronavirýstan 355 adam qaitys boldy, bir kún buryn bul kórsetkish 366 bolǵan edi. Jalpy infektsiiadan 27 656 naýqas kóz jumdy.
Qazirgi ýaqytta RF-da 371 760 adam em alyp jatyr.
