Reseide bir kúnniń ishinde 4785 adamnan koronavirýs tabyldy. Epidemiia bastalǵaly beri mundai joǵary kórsetkish bolmaǵan. Ásirese sońǵy bir apta ishinde virýs juqtyrǵandar turaqty túrde kóbeigen. Bul aqparatty Azattyqtyń Orys qyzmeti habarlady.
Elde virýs juqtyrǵandardyń jalpy sany 36 myńǵa jetken. Resei álemde bul kórsetkish boiynsha onynshy orynda tur. Indet taraǵaly beri 313 adam qaitys bolǵan. 3 myńnan astam adam jazylǵan.
Sońǵy bir kún ishinde 40 adam kóz jumǵan, 467 adam jazylǵan.
Virýs juqtyrǵandardyń 50 paiyzdan astamy Máskeýde anyqtalǵan.
Reseidiń basym bóligi naýryz aiynyń sońynan beri "oqshaýlaý rejimine" kóshken. Adamdardyń toptasyp jinalýyna tyiym salynǵan, úiden shyǵýyna shekteý qoiylǵan. 30 sáýirge deiin jumys toqtaidy dep jariialanǵan. Biraq kóptegen kásiporyndar men uiymdar jumys istep jatyr. Biraq resmi túrde tótenshe jaǵdai rejimi engizilmegen.
Álemde koronavirýs juqtyrǵandar sany 2,2 mln adamǵa jetti. 154 myńnan astam adam qaitys bolǵan. 556 myńnan astam adam aiyqqan. AQSh-ta - 700 myń, Ispaniiada — 190 myń, Italiiada —172 myń, Frantsiiada — 149 myń, Germaniiada 141 myń adamǵa virýs juqqan.
