Reseide bir apta ishinde koronavirýs juqtyrǵandar sany 179 987 adamǵa artty. Bul týraly jańa infektsiiamen kúres jónindegi federaldy jedel shtab málim etti, dep habarlaidy TASS agenttigi.
Bir aptadaǵy aýrýǵa shaldyqqandar sany qyrkúiektegi bir ailyq kórsetkishpen shamalas. Eske sala keteiik, qyrkúiek aiynda jalpy sany 180 967 adam virýs juqtyrǵan edi.
Anyqtalǵan jaǵdailar sany ótken aptadaǵy kórsetkishten 10,1% artyq. Ótken aptada 163 504 patsient aýrýǵa shaldyqqan bolatyn.
Ólim jaǵdailarynyń da sany artty. Sońǵy jeti kúnde 3 348 adam indetten kóz jumǵan. Al ótken aptada qaitys bolǵan naýqastar sany 2 993 adamdy quraǵan edi.
Saýyǵyp shyqqandardyń sany da rekordtyq deńgeige jetti.
Bir aptada Reseide koronavirýs diagnozy qoiylǵan 166 014 patsient aýrýhanadan shyǵaryldy. Ótken aptada onyń sany 155 458 adam bolǵan edi.
Emdelip shyqqan reseilikterdiń úlesi 76,4% -dan 77,6% -ǵa deiin ósti.
