رەسەيدە بٸر اپتا ٸشٸندە كوروناۆيرۋس جۇقتىرعاندار سانى 179 987 ادامعا ارتتى. بۇل تۋرالى جاڭا ينفەكتسييامەن كٷرەس جٶنٸندەگٸ فەدەرالدى جەدەل شتاب مەلٸم ەتتٸ, دەپ حابارلايدى تاسس اگەنتتٸگٸ.
بٸر اپتاداعى اۋرۋعا شالدىققاندار سانى قىركٷيەكتەگٸ بٸر ايلىق كٶرسەتكٸشپەن شامالاس. ەسكە سالا كەتەيٸك, قىركٷيەك ايىندا جالپى سانى 180 967 ادام ۆيرۋس جۇقتىرعان ەدٸ.
انىقتالعان جاعدايلار سانى ٶتكەن اپتاداعى كٶرسەتكٸشتەن 10,1% ارتىق. ٶتكەن اپتادا 163 504 پاتسيەنت اۋرۋعا شالدىققان بولاتىن.
ٶلٸم جاعدايلارىنىڭ دا سانى ارتتى. سوڭعى جەتٸ كٷندە 3 348 ادام ٸندەتتەن كٶز جۇمعان. ال ٶتكەن اپتادا قايتىس بولعان ناۋقاستار سانى 2 993 ادامدى قۇراعان ەدٸ.
ساۋىعىپ شىققانداردىڭ سانى دا رەكوردتىق دەڭگەيگە جەتتٸ.
بٸر اپتادا رەسەيدە كوروناۆيرۋس دياگنوزى قويىلعان 166 014 پاتسيەنت اۋرۋحانادان شىعارىلدى. ٶتكەن اپتادا ونىڭ سانى 155 458 ادام بولعان ەدٸ.
ەمدەلٸپ شىققان رەسەيلٸكتەردٸڭ ٷلەسٸ 76,4% -دان 77,6% -عا دەيٸن ٶستٸ.
