Uly Otan soǵysynda qaza tapqan bes qazaqstandyq jaýyngerdiń súiegi jerlengen jer tabyldy. Ony Resei izdeýshileri Kaliningrad oblysynan tapqan. Endi olar qaza tapqandardyń týystaryn tabýǵa kómek surap otyr, - dep habarlaidy Tengrinews.kz agenttigi.
"Maidan joly" izdestirý-zertteý otriadynyń komandiri Aleksandr Shitovtyń aitýynsha, "Sovest" otriadynyń izdeýshileri Bagrationovskii aýdanyndaǵy Kornevo (burynǵy Tsinten) aýyly mańynan beiitterdi tapqan.
Qaza tapqandar 1945 jyldyń aqpan-naýryzynda fashistik topty talqandaýǵa qatysqan. Olardyń arasynda qazaqstandyqtar da bar. Ol - Qyzyl Armiia jaýyngeri Ivan Stepanovich Rýdinskii. Ol 1902 jyly Aqtóbe oblysy Dala aýdanyna qarasty Herson aýylynda dúniege kelgen.
Atqysh Ivan Rýdinskiidiń sońǵy qyzmet orny 55-gvardiialyq atqyshtar diviziiasynyń 166-gvardiialyq Qyzyl Týly atqyshtar polki bolǵan. Ol 1945 jyly naýryzda qaza bolǵan.
1902 jyly Aqtóbede týǵan qyzyl ásker soldaty Ivan Mihailovich Solovevtiń súiegi tabylǵan. Ol 1943 jyly 26 jeltoqsanda Qaraǵandy qalasy Lenin aýdany Lenin RVK arqyly maidanǵa jumyldyrylǵan. Jaýynger 1945 jyly 27 aqpanda qaitys bolǵan.
Taǵy bir jaýynger - brigadir Aleksei Andreevich Shelýhin. 1912 jyly Kýrsk oblysy, Sineev aýdany, Lýg keńsharynda dúniege kelgen. Shyǵys Qazaqstan oblysy Zyrian aýdany Zyrian RVK arqyly 1941 jyly shildede maidanǵa jumyldyrylǵan. Muraǵat derekterine sáikes, atqyshtar rotasynyń starshinasy 55-gvardiialyq Irkýtsk-Pinsk diviziiasynyń 166-gvardiialyq Qyzyl Týly atqyshtar polkiniń quramynda shaiqasqan.
Sondai-aq, 1906 jyly týǵan leitenant Hamit Turlbenuly (Turlbekuly, Turhebetuly) Egsýbaevtyń súiegi tabyldy. Týǵan jeri – Qazaq KSR, Aqmola oblysy, Atbasar aýdany, №7 aýyl. Hamit Egsýbaev tank komandiri, 213-jeke tank Orsha Qyzyl Tý ordendi brigadasynyń quramynda soǵysqan. 1945 jyly naýryzda qaza tapty.
Sol jerleýden gvardiia leitenanty Ivan Alekseevich Kolpakov tabyldy. 1922 jyly Soltústik Qazaqstan oblysy, Aiyrtaý aýdany, Chalqar aýylynda dúniege kelgen. Jaiaý ásker vzvodyna qolbasshylyq etken. Sońǵy qyzmet orny 55-gvardiialyq Irkýtsk-Pinsk diviziiasynyń 166-gvardiialyq Qyzyl Týly atqyshtar polki bolǵan. 1945 jyly naýryzda qaza tapqan.
"Beijai qaramaityndardyń bárinen qaza bolǵan jerlesterimizdiń týystaryn izdeýge kómektesýin suraimyz", - dep shaqyrdy Aleksandr Shitov.
