ۇلى وتان سوعىسىندا قازا تاپقان بەس قازاقستاندىق جاۋىنگەردٸڭ سٷيەگٸ جەرلەنگەن جەر تابىلدى. ونى رەسەي ٸزدەۋشٸلەرٸ كالينينگراد وبلىسىنان تاپقان. ەندٸ ولار قازا تاپقانداردىڭ تۋىستارىن تابۋعا كٶمەك سۇراپ وتىر, - دەپ حابارلايدى Tengrinews.kz اگەنتتٸگٸ.
"مايدان جولى" ٸزدەستٸرۋ-زەرتتەۋ وتريادىنىڭ كومانديرٸ الەكساندر شيتوۆتىڭ ايتۋىنشا, "سوۆەست" وتريادىنىڭ ٸزدەۋشٸلەرٸ باگراتيونوۆسكيي اۋدانىنداعى كورنەۆو (بۇرىنعى تسينتەن) اۋىلى ماڭىنان بەيٸتتەردٸ تاپقان.
قازا تاپقاندار 1945 جىلدىڭ اقپان-ناۋرىزىندا فاشيستٸك توپتى تالقانداۋعا قاتىسقان. ولاردىڭ اراسىندا قازاقستاندىقتار دا بار. ول - قىزىل ارمييا جاۋىنگەرٸ يۆان ستەپانوۆيچ رۋدينسكيي. ول 1902 جىلى اقتٶبە وبلىسى دالا اۋدانىنا قاراستى حەرسون اۋىلىندا دٷنيەگە كەلگەن.
اتقىش يۆان رۋدينسكييدٸڭ سوڭعى قىزمەت ورنى 55-گۆاردييالىق اتقىشتار ديۆيزيياسىنىڭ 166-گۆاردييالىق قىزىل تۋلى اتقىشتار پولكٸ بولعان. ول 1945 جىلى ناۋرىزدا قازا بولعان.
1902 جىلى اقتٶبەدە تۋعان قىزىل ەسكەر سولداتى يۆان ميحايلوۆيچ سولوۆەۆتٸڭ سٷيەگٸ تابىلعان. ول 1943 جىلى 26 جەلتوقساندا قاراعاندى قالاسى لەنين اۋدانى لەنين رۆك ارقىلى مايدانعا جۇمىلدىرىلعان. جاۋىنگەر 1945 جىلى 27 اقپاندا قايتىس بولعان.
تاعى بٸر جاۋىنگەر - بريگادير الەكسەي اندرەەۆيچ شەلۋحين. 1912 جىلى كۋرسك وبلىسى, سينەەۆ اۋدانى, لۋگ كەڭشارىندا دٷنيەگە كەلگەن. شىعىس قازاقستان وبلىسى زىريان اۋدانى زىريان رۆك ارقىلى 1941 جىلى شٸلدەدە مايدانعا جۇمىلدىرىلعان. مۇراعات دەرەكتەرٸنە سەيكەس, اتقىشتار روتاسىنىڭ ستارشيناسى 55-گۆاردييالىق يركۋتسك-پينسك ديۆيزيياسىنىڭ 166-گۆاردييالىق قىزىل تۋلى اتقىشتار پولكٸنٸڭ قۇرامىندا شايقاسقان.
سونداي-اق, 1906 جىلى تۋعان لەيتەنانت حاميت تۇرلبەنۇلى (تۇرلبەكۇلى, تۇرحەبەتۇلى) ەگسۋباەۆتىڭ سٷيەگٸ تابىلدى. تۋعان جەرٸ – قازاق كسر, اقمولا وبلىسى, اتباسار اۋدانى, №7 اۋىل. حاميت ەگسۋباەۆ تانك كومانديرٸ, 213-جەكە تانك ورشا قىزىل تۋ وردەندٸ بريگاداسىنىڭ قۇرامىندا سوعىسقان. 1945 جىلى ناۋرىزدا قازا تاپتى.
سول جەرلەۋدەن گۆاردييا لەيتەنانتى يۆان الەكسەەۆيچ كولپاكوۆ تابىلدى. 1922 جىلى سولتٷستٸك قازاقستان وبلىسى, ايىرتاۋ اۋدانى, چالقار اۋىلىندا دٷنيەگە كەلگەن. جاياۋ ەسكەر ۆزۆودىنا قولباسشىلىق ەتكەن. سوڭعى قىزمەت ورنى 55-گۆاردييالىق يركۋتسك-پينسك ديۆيزيياسىنىڭ 166-گۆاردييالىق قىزىل تۋلى اتقىشتار پولكٸ بولعان. 1945 جىلى ناۋرىزدا قازا تاپقان.
"بەيجاي قارامايتىنداردىڭ بەرٸنەن قازا بولعان جەرلەستەرٸمٸزدٸڭ تۋىستارىن ٸزدەۋگە كٶمەكتەسۋٸن سۇرايمىز", - دەپ شاقىردى الەكساندر شيتوۆ.
