Tergeý komiteti basqa bireýdiń balasyn perzenthananyń terezesinen laqtyryp jibergen 29 jastaǵy Sterlitamak turǵynyna qatysty qylmystyq is qozǵady.
Náreste alǵan jaraqattardan mert bolǵan. Bul týraly Reseidiń Bashqurtstan Respýblikasy boiynsha Tergeý komitetiniń baspasóz qyzmeti málim etti, dep habarlaidy «QazAqparat» HAA» AQ TASS-qa silteme jasap.
Tergeý nusqasy boiynsha, 16 tamyz kúni saǵat shamamen 18:00-de bir áiel Sterlitamak perzenthanasynyń úshinshi qabatynan ózimen birge bir palatada jatqan áieldiń jańadan týǵan nárestesin laqtyryp jibergen. Bala alǵan jaraqattardan mert boldy.
«Resei Federatsiiasynyń Bashqurtstan Respýblikasy boiynsha Tergeý komitetiniń Sterlitamak tergeý bólimi 29 jastaǵy Sterlitamak turǵynyna qatysty jas balany óltirý baby boiynsha qarastyrylatyn qylmystyq is qozǵady», - dep málimdedi Tergeý komitetinen.
Oqiǵa ornynda basshylyq pen tergeý bólimi, respýblikanyń tergeý basqarmasy apparatynyń tergeýshi-kriminalisteri politsiiamen birlesip jumys isteýde.
Quqyq qorǵaý organdarynyń qyzmetkerleri bolǵan oqiǵanyń mán-jaiyn anyqtap jatyr. Kúdiktige qatysty tergeý amaldary júrgizilýde, ony qamaý týraly másele qarastyrylyp jatyr. Qylmystyq istiń tergeýi respýblikanyń tergeý basqarmasy basshylyǵynyń baqylaýynda.
