Jarylys Reseidiń Habarovsk ólkesi Amýr aýdany Teisin kentindegi áskeri bólimde boldy. Bir adam qaza tapqan zardap shekkender bar. Bul týraly reseilik TASS agenttigi óńirdiń jedel qyzmetinen málim etken, dep habarlaidy QazAqparat.
«Oq-dárilerdi túsirý kezinde dáriniń jarylýy saldarynan jeti adam zardap shekti, olar jeńil jaraqat alǵan. Taǵy bir adam qaza tapty», - dedi agenttik derekkózi.
Onyń málimetinshe, jarylystan keiin órt shyǵyp, ony sóndirgen.
Óńirdiń densaýlyq saqtaý ministrliginiń ókilderi zardap shekken eki adamdy kúiik shalǵanyn málim etti.
«Olar sanaviatsiiamen aýrýhanaǵa jetkizildi, denesiniń 65% jáne 40%-yn kúiik shalǵan», - dedi densaýlyq saqtaý ministrliginen.
Taǵy eki adamdy jeńil dárejede kúiik shalǵan. Olardy meditsinalyq mekemege jetkizbegen, oqiǵa ornynda kómek kórsetken.
Teisin kenti Amýrdaǵy Komsomolskten ońtústik-shyǵysqa qarai 82 shaqyrym qashyqtyqta ornalasqan. Kentte osy ataýmen atalatyn temirjol stantsiiasy jáne áskeri bólim bar.
