جارىلىس رەسەيدٸڭ حاباروۆسك ٶلكەسٸ امۋر اۋدانى تەيسين كەنتٸندەگٸ ەسكەري بٶلٸمدە بولدى. بٸر ادام قازا تاپقان زارداپ شەككەندەر بار. بۇل تۋرالى رەسەيلٸك تاسس اگەنتتٸگٸ ٶڭٸردٸڭ جەدەل قىزمەتٸنەن مەلٸم ەتكەن, دەپ حابارلايدى قازاقپارات.
«وق-دەرٸلەردٸ تٷسٸرۋ كەزٸندە دەرٸنٸڭ جارىلۋى سالدارىنان جەتٸ ادام زارداپ شەكتٸ, ولار جەڭٸل جاراقات العان. تاعى بٸر ادام قازا تاپتى», - دەدٸ اگەنتتٸك دەرەككٶزٸ.
ونىڭ مەلٸمەتٸنشە, جارىلىستان كەيٸن ٶرت شىعىپ, ونى سٶندٸرگەن.
ٶڭٸردٸڭ دەنساۋلىق ساقتاۋ مينيسترلٸگٸنٸڭ ٶكٸلدەرٸ زارداپ شەككەن ەكٸ ادامدى كٷيٸك شالعانىن مەلٸم ەتتٸ.
«ولار ساناۆياتسييامەن اۋرۋحاناعا جەتكٸزٸلدٸ, دەنەسٸنٸڭ 65% جەنە 40%-ىن كٷيٸك شالعان», - دەدٸ دەنساۋلىق ساقتاۋ مينيسترلٸگٸنەن.
تاعى ەكٸ ادامدى جەڭٸل دەرەجەدە كٷيٸك شالعان. ولاردى مەديتسينالىق مەكەمەگە جەتكٸزبەگەن, وقيعا ورنىندا كٶمەك كٶرسەتكەن.
تەيسين كەنتٸ امۋرداعى كومسومولسكتەن وڭتٷستٸك-شىعىسقا قاراي 82 شاقىرىم قاشىقتىقتا ورنالاسقان. كەنتتە وسى اتاۋمەن اتالاتىن تەمٸرجول ستانتسيياسى جەنە ەسكەري بٶلٸم بار.
