Reseidiń Densaýlyq saqtaý ministrligi 60 jastan asqan adamdarǵa «Spýtnik V» vaktsinasyn salýǵa ruqsat berdi. Bul týraly TASS agenttigi habarlady.
«Densaýlyq saqtaý ministrligi meditsinalyq qoldaný jónindegi nusqaýlyqqa ózgeris engizýdi maquldady. Endi «Spýtnik V» vaktsinasyn 18 jasta jáne odan asqan tulǵalarǵa da qoldanýǵa ruqsat berildi. Osylaisha 60 jastan asqan azamattar da jańa koronavirýs infektsiiasyna qarsy vaktsinadan óte alady», - dedi ministr Reseidiń Densaýlyq saqtaý ministri Mihail Mýrashko.
Ol sondai-aq, eldiń barlyq aimaǵynda jappai vaktsinatsiia júrgizilip jatqanyn atap ótti.
Mýrashkonyń aitýynsha, júrgizilgen saraptama 60 jastan asqan egde jastaǵy azamattar úshin vaktsinanyń tiimdiligi men qaýipsizdigin dáleldedi.
Aita keteiik, 10 jeltoqsanda Reseide koronavirýsqa qarsy vaktsinatsiia bastaldy. 14 jeltoqsanda Mýrashko jappai vaktsinatsiia aiasynda preparat Reseidiń barlyq óńirine jetkizilgenin aitty.
