رەسەيدٸڭ دەنساۋلىق ساقتاۋ مينيسترلٸگٸ 60 جاستان اسقان ادامدارعا «سپۋتنيك V» ۆاكتسيناسىن سالۋعا رۇقسات بەردٸ. بۇل تۋرالى تاسس اگەنتتٸگٸ حابارلادى.
«دەنساۋلىق ساقتاۋ مينيسترلٸگٸ مەديتسينالىق قولدانۋ جٶنٸندەگٸ نۇسقاۋلىققا ٶزگەرٸس ەنگٸزۋدٸ ماقۇلدادى. ەندٸ «سپۋتنيك V» ۆاكتسيناسىن 18 جاستا جەنە ودان اسقان تۇلعالارعا دا قولدانۋعا رۇقسات بەرٸلدٸ. وسىلايشا 60 جاستان اسقان ازاماتتار دا جاڭا كوروناۆيرۋس ينفەكتسيياسىنا قارسى ۆاكتسينادان ٶتە الادى», - دەدٸ مينيستر رەسەيدٸڭ دەنساۋلىق ساقتاۋ مينيسترٸ ميحايل مۋراشكو.
ول سونداي-اق, ەلدٸڭ بارلىق ايماعىندا جاپپاي ۆاكتسيناتسييا جٷرگٸزٸلٸپ جاتقانىن اتاپ ٶتتٸ.
مۋراشكونىڭ ايتۋىنشا, جٷرگٸزٸلگەن ساراپتاما 60 جاستان اسقان ەگدە جاستاعى ازاماتتار ٷشٸن ۆاكتسينانىڭ تيٸمدٸلٸگٸ مەن قاۋٸپسٸزدٸگٸن دەلەلدەدٸ.
ايتا كەتەيٸك, 10 جەلتوقساندا رەسەيدە كوروناۆيرۋسقا قارسى ۆاكتسيناتسييا باستالدى. 14 جەلتوقساندا مۋراشكو جاپپاي ۆاكتسيناتسييا اياسىندا پرەپارات رەسەيدٸڭ بارلىق ٶڭٸرٸنە جەتكٸزٸلگەنٸن ايتتى.
