Resei Úkimeti Qazaqstannan jalǵa alǵan Aqai jáne Tóretam kentteriniń mańyndaǵy 11,6 myń ga jerdi qaitardy, dep habarlaidy "Ult aqparat" QR Qorǵanys jáne aeroǵarysh ónerkásibi ministrliginiń baspasóz qyzmetine silteme jasap.
Cheliabinskide ótken Resei men Qazaqstan óńiraralyq yntymaqtastyǵynyń HIV forýmynda «Roskosmos» Memlekettik korporatsiiasynyń ǵarysh qyzmeti jónindegi Bas direktordyń Birinshi orynbasary Aleksandr Ivanov pen QR Aýyl sharýashylyǵy Birinshi vitse-ministri Qairat Aitýǵanov 1994 jylǵy 10 jeltoqsandaǵy Qazaqstan Respýblikasy Úkimeti men Resei Federatsiiasy Úkimeti arasyndaǵy «Baiqońyr» ǵarysh ailaǵyn jalǵa berý Kelisimine ózgeris engizý týraly Hattamaǵa qol qoidy.
Qujatqa sáikes Aqai jáne Tóretim kentteriniń mańyndaǵy 11,6 myń gektar resei tarapynan jalǵa alýdan shyǵaryldy jáne ol jerde áleýmettik-ekonomikalyq infraqurylymdy odan ári damytý úshin Qyzylorda oblysyna berildi.
Sondai-aq, RF Densaýlyq saqtaý miinstri Veronika Skvortsova men QR Densaýlyq saqtaý ministri Eljan Birtanov 2009 jylǵy 17 qarashadaǵy Qazaqstan Respýblikasy Úkimeti men Resei Federatsiiasy Úkimeti arasyndaǵy «Baiqońyr» ǵarysh ailaǵyn Resei Federatsiiasy jalǵa alý jaǵdaiynda «Baiqońyr» ǵarysh ailaǵy qyzmetkerlerine, Baiqońyr qalasynyń jáne Tóretam, Aqai aýyldarynyń turǵyndaryna, meditsinalyq qyzmet kórsetý» Kelisimine ózgeris engizý týraly Hattamaǵa qol qoidy.
Hattamada «Baiqońyr» kesheninde, Aqai jáne Tóretam kentterinde turatyn jáne jumys isteitin qazaqstandyqtarǵa meditsinalyq qyzmet kórsetý júiesin jetildirý kózdeledi.
Qol qoiylǵan qujattar «Baiqońyr» ǵarysh ailaǵy týraly burynnan bar eki jaqty normativtik-quqyqtyq bazany tolyqtyrady ári Qazaqstan men Resei yntymaqtastyǵyn damytýda mańyzdy element bolyp tabylady.
