رەسەي ٷكٸمەتٸ قازاقستاننان جالعا العان اقاي جەنە تٶرەتام كەنتتەرٸنٸڭ ماڭىنداعى 11,6 مىڭ گا جەردٸ قايتاردى, دەپ حابارلايدى "ۇلت اقپارات" قر قورعانىس جەنە اەروعارىش ٶنەركەسٸبٸ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
چەليابينسكٸدە ٶتكەن رەسەي مەن قازاقستان ٶڭٸرارالىق ىنتىماقتاستىعىنىڭ حIV فورۋمىندا «روسكوسموس» مەملەكەتتٸك كورپوراتسيياسىنىڭ عارىش قىزمەتٸ جٶنٸندەگٸ باس ديرەكتوردىڭ بٸرٸنشٸ ورىنباسارى الەكساندر يۆانوۆ پەن قر اۋىل شارۋاشىلىعى بٸرٸنشٸ ۆيتسە-مينيسترٸ قايرات ايتۋعانوۆ 1994 جىلعى 10 جەلتوقسانداعى قازاقستان رەسپۋبليكاسى ٷكٸمەتٸ مەن رەسەي فەدەراتسيياسى ٷكٸمەتٸ اراسىنداعى «بايقوڭىر» عارىش ايلاعىن جالعا بەرۋ كەلٸسٸمٸنە ٶزگەرٸس ەنگٸزۋ تۋرالى حاتتاماعا قول قويدى.
قۇجاتقا سەيكەس اقاي جەنە تٶرەتٸم كەنتتەرٸنٸڭ ماڭىنداعى 11,6 مىڭ گەكتار رەسەي تاراپىنان جالعا الۋدان شىعارىلدى جەنە ول جەردە ەلەۋمەتتٸك-ەكونوميكالىق ينفراقۇرىلىمدى ودان ەرٸ دامىتۋ ٷشٸن قىزىلوردا وبلىسىنا بەرٸلدٸ.
سونداي-اق, رف دەنساۋلىق ساقتاۋ ميينسترٸ ۆەرونيكا سكۆورتسوۆا مەن قر دەنساۋلىق ساقتاۋ مينيسترٸ ەلجان بٸرتانوۆ 2009 جىلعى 17 قاراشاداعى قازاقستان رەسپۋبليكاسى ٷكٸمەتٸ مەن رەسەي فەدەراتسيياسى ٷكٸمەتٸ اراسىنداعى «بايقوڭىر» عارىش ايلاعىن رەسەي فەدەراتسيياسى جالعا الۋ جاعدايىندا «بايقوڭىر» عارىش ايلاعى قىزمەتكەرلەرٸنە, بايقوڭىر قالاسىنىڭ جەنە تٶرەتام, اقاي اۋىلدارىنىڭ تۇرعىندارىنا, مەديتسينالىق قىزمەت كٶرسەتۋ» كەلٸسٸمٸنە ٶزگەرٸس ەنگٸزۋ تۋرالى حاتتاماعا قول قويدى.
حاتتامادا «بايقوڭىر» كەشەنٸندە, اقاي جەنە تٶرەتام كەنتتەرٸندە تۇراتىن جەنە جۇمىس ٸستەيتٸن قازاقستاندىقتارعا مەديتسينالىق قىزمەت كٶرسەتۋ جٷيەسٸن جەتٸلدٸرۋ كٶزدەلەدٸ.
قول قويىلعان قۇجاتتار «بايقوڭىر» عارىش ايلاعى تۋرالى بۇرىننان بار ەكٸ جاقتى نورماتيۆتٸك-قۇقىقتىق بازانى تولىقتىرادى ەرٸ قازاقستان مەن رەسەي ىنتىماقتاستىعىن دامىتۋدا ماڭىزدى ەلەمەنت بولىپ تابىلادى.
