Resei men Qazaqstan XVII aimaqaralyq forýmǵa daiyndyqty pysyqtap jatyr, dep habarlaidy QazAqparat.
Qazaqstan Premer-Ministriniń orynbasary – Syrtqy ister ministri M.Tileýberdi BAQ ókilderi aldynda Resei Federatsiiasynyń Syrtqy ister ministri S.Lavrovtyń jumys saparynyń qorytyndylaryn málim etti.
«Búgingi reseilik tarappen bolǵan kelissózderimiz ádettegidei óte mazmundy jáne nátijeli boldy.
Biz kóptegen máselelerdi, sonyń ishinde saiasi, saýda-ekonomikalyq jáne mádeni-gýmanitarlyq salalardaǵy Qazaqstan-Resei yntymaqtastyǵynyń jaǵdaiy men perspektivalaryn talqylap, halyqaralyq kún tártibindegi birqatar máseleler boiynsha pikir almastyq.
Árine, Ortalyq Aziiadaǵy, Ońtústik Kavkaz ben Taiaý Shyǵystaǵy turaqtylyq pen qaýipsizdikti qamtamasyz etý siiaqty mańyzdy máseleler nazarymyzdan tys qalmady», - dedi ministr.
Vedomstvo basshysy reseilik tarappen ótken kelissózde aimaqtyq jáne jahandyq qaýipsizdiktiń kóptegen problemalaryna, ásirese saiasi dialogta senimdilikti arttyrý nemese nyǵaitý turǵysynan eki taraptyń kózqarasy ortaq ekeni aitylǵanyn jetkizdi.
«Asa joǵary jáne joǵarǵy deńgeidegi halyqaralyq is-sharalar kestesine, atap aitqanda, memleket basshylarynyń ekijaqty jáne kópjaqty is-sharalarǵa qatysýyna erekshe nazar aýdaryldy. Atap aitqanda, shekara yntymaqtastyǵynyń ekijaqty saýda ainalymy shamamen 70 paiyzyn quraityn Qazaqstan men Resei arasyndaǵy qatynastardaǵy mańyzdy róldi eskere otyryp, biz Qazaqstan men Reseidiń XVII aimaqaralyq yntymaqtastyq forýmyna daiyndyqty pysyqtap jatyrmyz. Esterińizde bolsa, bul shara pandemiiaǵa bailanysty keiinge qaldyrylǵan edi jáne biyl Kókshetaý qalasynda josparlanǵan. Eki eldiń aimaqtarynyń aldynda turǵan ózekti máseleler osy forýmda memleket basshylarynyń qatysýymen qaralady degen oidamyz», - dedi Muhtar Tileýberdi.
