رەسەي مەن قازاقستان XVII ايماقارالىق فورۋمعا دايىندىقتى پىسىقتاپ جاتىر, دەپ حابارلايدى قازاقپارات.
قازاقستان پرەمەر-مينيسترٸنٸڭ ورىنباسارى – سىرتقى ٸستەر مينيسترٸ م.تٸلەۋبەردٸ باق ٶكٸلدەرٸ الدىندا رەسەي فەدەراتسيياسىنىڭ سىرتقى ٸستەر مينيسترٸ س.لاۆروۆتىڭ جۇمىس ساپارىنىڭ قورىتىندىلارىن مەلٸم ەتتٸ.
«بٷگٸنگٸ رەسەيلٸك تاراپپەن بولعان كەلٸسسٶزدەرٸمٸز ەدەتتەگٸدەي ٶتە مازمۇندى جەنە نەتيجەلٸ بولدى.
بٸز كٶپتەگەن مەسەلەلەردٸ, سونىڭ ٸشٸندە ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى قازاقستان-رەسەي ىنتىماقتاستىعىنىڭ جاعدايى مەن پەرسپەكتيۆالارىن تالقىلاپ, حالىقارالىق كٷن تەرتٸبٸندەگٸ بٸرقاتار مەسەلەلەر بويىنشا پٸكٸر الماستىق.
ەرينە, ورتالىق ازيياداعى, وڭتٷستٸك كاۆكاز بەن تاياۋ شىعىستاعى تۇراقتىلىق پەن قاۋٸپسٸزدٸكتٸ قامتاماسىز ەتۋ سيياقتى ماڭىزدى مەسەلەلەر نازارىمىزدان تىس قالمادى», - دەدٸ مينيستر.
ۆەدومستۆو باسشىسى رەسەيلٸك تاراپپەن ٶتكەن كەلٸسسٶزدە ايماقتىق جەنە جاھاندىق قاۋٸپسٸزدٸكتٸڭ كٶپتەگەن پروبلەمالارىنا, ەسٸرەسە ساياسي ديالوگتا سەنٸمدٸلٸكتٸ ارتتىرۋ نەمەسە نىعايتۋ تۇرعىسىنان ەكٸ تاراپتىڭ كٶزقاراسى ورتاق ەكەنٸ ايتىلعانىن جەتكٸزدٸ.
«اسا جوعارى جەنە جوعارعى دەڭگەيدەگٸ حالىقارالىق ٸس-شارالار كەستەسٸنە, اتاپ ايتقاندا, مەملەكەت باسشىلارىنىڭ ەكٸجاقتى جەنە كٶپجاقتى ٸس-شارالارعا قاتىسۋىنا ەرەكشە نازار اۋدارىلدى. اتاپ ايتقاندا, شەكارا ىنتىماقتاستىعىنىڭ ەكٸجاقتى ساۋدا اينالىمى شامامەن 70 پايىزىن قۇرايتىن قازاقستان مەن رەسەي اراسىنداعى قاتىناستارداعى ماڭىزدى رٶلدٸ ەسكەرە وتىرىپ, بٸز قازاقستان مەن رەسەيدٸڭ XVII ايماقارالىق ىنتىماقتاستىق فورۋمىنا دايىندىقتى پىسىقتاپ جاتىرمىز. ەستەرٸڭٸزدە بولسا, بۇل شارا پاندەميياعا بايلانىستى كەيٸنگە قالدىرىلعان ەدٸ جەنە بيىل كٶكشەتاۋ قالاسىندا جوسپارلانعان. ەكٸ ەلدٸڭ ايماقتارىنىڭ الدىندا تۇرعان ٶزەكتٸ مەسەلەلەر وسى فورۋمدا مەملەكەت باسشىلارىنىڭ قاتىسۋىمەن قارالادى دەگەن ويدامىز», - دەدٸ مۇحتار تٸلەۋبەردٸ.
