Qazaqstannyń latyn álipbiine kóshý sheshimine qatysty Máskeýdiń kózqarasy oń. Kórshi eldegi mańyzdy oqiǵaǵa bailanysty Reseidiń Syrtqy ister ministrligi málimdeme jasady, - dep habarlaidy RIA Novosti.
Bul másele haqynda Resei SIM basshysynyń orynbasary Grigorii Karasin Resei tarapynyń oiyn jetkizgen. "Menińshe, bul jaǵdaida bizdiń ustanymymyz baisaldy, ainalyp kelgende qandai tilderdiń qandai deńgeide qoldanylatyny - Qazaqstannyń ishki máselesi", - deidi ol.
Sonymen qatar reseilik diplomat bul máselege qatysty airyqsha bir máseleniń joq ekenin aitty.
"Bizdiń ekijaqty qarym-qatynasymyzdy beiimdeýdiń, orys tilin latynǵa qatysty jańa jaǵdaida qalai beiimdeýdiń amaldaryn tabatynymyzǵa senimdimin", - deidi Karasin.
Aita ketsek, jaqynda Elbasy Nursultan Nazarbaev qazaq tili álipbiin kirillitsadan latyn grafikasyna kóshirý týraly jarlyqqa qol qoiǵan bolatyn. Álipbidiń jańa nusqasy 32 áripten turady. Tilimizdegi «á», «ǵ», «ń», «ó», «ú» sekildi tól áripterimizdiń latyn nusqasy apostrofpen beriledi.
