قازاقستاننىڭ لاتىن ەلٸپبيٸنە كٶشۋ شەشٸمٸنە قاتىستى مەسكەۋدٸڭ كٶزقاراسى وڭ. كٶرشٸ ەلدەگٸ ماڭىزدى وقيعاعا بايلانىستى رەسەيدٸڭ سىرتقى ٸستەر مينيسترلٸگٸ مەلٸمدەمە جاسادى, - دەپ حابارلايدى ريا نوۆوستي.
بۇل مەسەلە حاقىندا رەسەي سٸم باسشىسىنىڭ ورىنباسارى گريگوريي كاراسين رەسەي تاراپىنىڭ ويىن جەتكٸزگەن. "مەنٸڭشە, بۇل جاعدايدا بٸزدٸڭ ۇستانىمىمىز بايسالدى, اينالىپ كەلگەندە قانداي تٸلدەردٸڭ قانداي دەڭگەيدە قولدانىلاتىنى - قازاقستاننىڭ ٸشكٸ مەسەلەسٸ", - دەيدٸ ول.
سونىمەن قاتار رەسەيلٸك ديپلومات بۇل مەسەلەگە قاتىستى ايرىقشا بٸر مەسەلەنٸڭ جوق ەكەنٸن ايتتى.
"بٸزدٸڭ ەكٸجاقتى قارىم-قاتىناسىمىزدى بەيٸمدەۋدٸڭ, ورىس تٸلٸن لاتىنعا قاتىستى جاڭا جاعدايدا قالاي بەيٸمدەۋدٸڭ امالدارىن تاباتىنىمىزعا سەنٸمدٸمٸن", - دەيدٸ كاراسين.
ايتا كەتسەك, جاقىندا ەلباسى نۇرسۇلتان نازارباەۆ قازاق تٸلٸ ەلٸپبيٸن كيريلليتسادان لاتىن گرافيكاسىنا كٶشٸرۋ تۋرالى جارلىققا قول قويعان بولاتىن. ەلٸپبيدٸڭ جاڭا نۇسقاسى 32 ەرٸپتەن تۇرادى. تٸلٸمٸزدەگٸ «ە», «ع», «ڭ», «ٶ», «ٷ» سەكٸلدٸ تٶل ەرٸپتەرٸمٸزدٸڭ لاتىن نۇسقاسى اپوستروفپەن بەرٸلەدٸ.
