Resei Federatsiiasyna salynyp jatqan túrli sanktsiialarǵa bailanysty elimizde kásipkerlerge arnalǵan jedel shtab quryldy. Bul týraly «Atameken» ulttyq kásipkerler palatasynyń Nur-Sultan qalasy boiynsha filialy direktorynyń mindetin atqarýshy Beisen Jolboldiev málim etti, dep habarlaidy QazAqparat.
«Resei Federatsiiasyna salynyp jatqan birqatar sanktsiialardyń Qazaqstan ekonomikasyna áserine bailanysty kásipkerlerge arnalǵan jedel shtab quryldy. «Atameken» ulttyq kásipkerler palatasynyń janynan qurylǵan jedel shtabqa kásipkerler óz salasy boiynsha túiindi máselelerdi jetkize alady», - dedi Beisen Jolboldiev «Atameken» UKP-da onlain ótken baspasóz máslihatynda.
Onyń aitýynsha, jedel shtab elordada qurylǵan jáne oǵan óńirlerden de habarlasýǵa bolady.
«Qazirgi tańda salalyq biznes qaýymdastyqtar ókilderimen kezdesýler uiymdastyrylyp jatyr. Kezdesý barysynda kásipkerler óz salasyna qatysty máselelerdi ortaǵa salyp jatyr. Sonymen qatar kásipkerler máseleni sheshýdiń joldaryn usynýda», - deidi ol.
Aita keteiik, kásipkerlerge arnalǵan jedel shtab táýlik boiy jumys isteidi.
