Foto: Aqorda
27 qarashada Qazaqstan prezidenti Qasym-Jomart Toqaevtyń shaqyrýymen elge Resei Federatsiiasy Prezidenti Vladimir Pýtin memlekettik saparmen keldi. Eki el prezidentteriniń kezdesýi keshki saǵat 17:50 shamasynda Aqordada bastaldy, dep habarlaidy ult.kz.Qazaqstan prezidenti Qasym-Jomart Toqaev Resei basshysyn Astanaǵa kelýimen qutyqtap, Reseidi senimdi seriktes ekenin aitty.
«Baspasózde jaryq kórgen sizdiń maqalańyzdy muqiiat oqyp shyqtym. Óz kezeginde men de Resei baspasózinde ózimniń maqalamda strategiialyq seriktestik, odaqtastyq týraly aittym. Men ózimniń maqalamda Qazaqstan osyndai qiyn ýaqytta Reseidiń senimdi seriktesi bolǵan ári bolatynyn atap óttim», - dedi memleket basshysy.
Aita keteiik, Prezident Qasym-Jomart Toqaevtyń «Izvestiia» gazetinde maqalasy jariialandy. Al Vladimir Pýtinniń «Kazahstanskaia pravda» gazetinde maqalasy jaryqqa shyqty. Olar óz maqalalarynda eki el arasyndaǵy yntymaqtastyq týraly aitqan.
Prezidentter Qazaqstan men Reseidiń HH Óńiraralyq yntymaqtastyq forýmyna beinekonferentsiia rejiminde qatysady.
Pýtinniń Qazaqstanǵa sapary aiasynda joǵary deńgeidegi kelissózder ótedi. 28 qarasha kúni Qazaqstan Prezidenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessiiasy ótedi. Jiynda aimaqtyq jáne halyqaralyq qaýipsizdiktiń negizgi máseleleri talqylanady. Otyrys qorytyndysy boiynsha birqatar qujatqa qol qoiylady dep josparlanǵan.
Osy sharaǵa orai Astana kóshelerinde Resei týy ilinip, kórshi V. Pýtinniń sýreti men «Vashe prevoshoditelstvo, gospodin Vladimir Pýtin, dobro pojalovat v Astaný!» degen jazýy bar bilbord qoiyldy.
Oqi otyryńyz: "Vashe prevoshoditelstvo": Resei basshysyn bulai qarsy alý hattamaǵa sai ma?
