Esepshottarynda million dollardan astam qarjysy bar reseilik bailar bankterden aqshasyn shyǵaryp alyp jatyr. Frank RG sarapshylarynyń málimetinshe, 2022 jyly olardyń banktegi salymy 20 paiyzǵa azaiǵan.
Aqparatqa qaraǵanda, olar Reseige sanktsiia salmaǵan elderden jyljymaityn múlik satyp alyp jatyr. Mysaly, reseilikterdiń Birikken Arab Ámirlikterinen satyp alǵan aktivteri 800 milliard rýblge jetken.
Frank RG málimetinshe, Resei dáýlettileri BAÁ, Túrkiia jáne Kiprdegi elitaǵa arnalǵan úilerden páter satyp alǵan. 2022 jyly bul elderden jyljymaityn múlik satyp alýǵa bir trillion rýbl jumsaǵan. Budan bólek, salymshylar aqshasyn shetel bankterine jáne altynǵa salýda.
Sonymen birge Resei azamattary Qazaqstan, Armeniia, Túrkiia jáne Qytaiǵa da aqsha shyǵarǵan.
Reseidiń ortalyq bankiniń málimetinshe, 2022 jyly rezident emes bankterge aqsha aýdarý úsh ese – 30 mlrd dollardan 79,5 mlrd dollarǵa ósken.
