Vedomstvo málimetinshe, Resei Federatsiiasynyń rezident-zańdy tulǵalarynyń jańa shottarynyń sany jyl basynan beri azdap ósken. Aqpan aiynyń sońynan beri bank shottary Reseidiń 7 kompaniiasyna ashylǵan, Qazaqstan bankterinde shottary bar Resei uiymdarynyń jalpy sany 805-ke jetken.
"Qazirgi ýaqytta barlyq sheteldik azamattar men kompaniialar úshin bank shottaryn ashý jáne júrgizý tártibi qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl týraly zań (KJTQQ) normalarymen, sondai-aq Ulttyq Bank pen Agenttiktiń retteýshilik talaptarymen rettelgen.
Osylaisha, Ulttyq Banktiń 2016 jylǵy 31 tamyzdaǵy №207 qaǵidalarynyń talaptaryna sáikes shotty ashý oflain rejimde de, elektrondyq ótinish arqyly onlain da júrgizilýi múmkin.
Bank shotyn ashqanǵa deiin júginý tásiline qaramastan, bankter sheteldik ótinish berýshige KJTQQ týraly zańda belgilengen KYC (Know Your Customer) standarttary boiynsha tiisinshe tekserý júrgizýge mindetti", deidi agenttik ókilderi.
Tiisti tekserý sheńberinde bankter:
- sheteldik jeke tulǵany, zańdy tulǵany jáne onyń benefitsiarlyq menshik ielerin identifikattaýdy, onyń ishinde alynǵan identifikattaý derekteriniń durystyǵyn tekserýdi;
- iskerlik qatynastardyń boljamdy maqsaty men sipatyn belgileýdi júrgizedi.
Budan basqa, agenttiktiń 2020 jylǵy 22 naýryzdaǵy № 18 qaǵidalarynda belgilengen táýekelderdi basqarý jáne ishki baqylaý júielerine qoiylatyn talaptarǵa sáikes komplaens táýekeldi basqarý maqsatynda bankter sheteldik, onyń ishinde transshekaralyq sipattaǵy klientterdiń operatsiialaryna kúsheitilgen monitoring júrgizýge mindetti.
"Kúsheitilgen monitoring sheńberinde kúdikti mámilelerdi anyqtaý jáne táýekeli joǵary tranzaktsiialarǵa jol bermeý úshin bankter klienttiń aqshasynyń shyǵý kózderin jáne onyń kontragentiniń zańdy mártebesin, júrgiziletin operatsiianyń sharttary men ekonomikalyq mánin qosymsha taldaidy", - delingen habarlamada.
