Qorǵanys ministrligi Resei men Belarýs qarýly kúshteri UQShU oqý-jattyǵýlary aiaqtalǵannan keiin Qazaqstan aýmaǵy arqyly ońtústikten shyǵysqa jáne batysqa qarai júretinin málimdedi, - dep habarlaidy "Ult aqparat".
26 qyrkúiek pen 8 qazan aralyǵynda Jambyl jáne Almaty oblystarynda UQShU-nyń Jedel áreket etý ujymdyq kúshteriniń qatysýymen "Ózara is-qimyl-2022", "Izdeý-2022", "Eshelon-2022" oqý-jattyǵýlary ótti.
"Oqý-jattyǵýlar aiaqtalǵannan keiin, 8-15 qazan aralyǵynda Qazaqstan aýmaǵy boiynsha áskeri eshelondar turaqty ornalasqan pýnktterine qaitady. Resei Federatsiiasy men Belarýs Respýblikasy Qarýly kúshteriniń áskeri kontingentteri elimizdiń aýmaǵy boiynsha "QTJ "UK" AQ-men buryn kelisilgen eshelondar qozǵalysynyń kestesi boiynsha eki baǵytta: ońtústikten shyǵysqa jáne batysqa qarai qozǵalady", - dedi ministrlik ókilderi.
Budan basqa, Qazaqstan Qarýly kúshteriniń quramalary men bólimderi el aýmaǵy boiynsha temir jol kóligimen jáne áskeri tehnikamen ótedi.
"Azamattardan áskeri tehnikanyń qozǵalysy týraly jalǵan habarlamalar men beinematerialdarǵa nazar aýdarmai, tek resmi aqparat kózderine senýin suraimyz", - delingen habarlamada.
