Resei Sýdan aýmaǵynda Qyzyl teńiz jaǵalaýynda áskeri-teńiz flotty materialdyq-tehnikalyq turǵyda qamtamasyz etetin pýnkt ashady. Resei premer-ministri Mihail Mishýstin arnaiy úkimet qaýlysyna qol qoiǵan. Joba áskeri tóńkeristen keiin qulatylǵan Sýdannyń burynǵy prezidentimen talqylanǵan.
Qujat boiynsha, Resei bazasynda 300-ge deiin adam qyzmet ete alady jáne tórt kemeniń ornalasýyna jaǵdai jasalady. Iadrolyq qondyrǵysy bar keme ustaýǵa da ruqsat etilgen. Kelisim merzimi - 25 jyl. Taraptar qarsy bolmasa, 10 jyl saiyn merzimi avtomatty túrde uzartylyp otyrady.
Qyzyl teńizde Resei bazasy salynýy múmkin ekenin 2017 jyly Sochige sapary kezinde prezident Omar ál-Bashir aitqan. Ol jobany "AQSh agressiiasynan qorǵaný" qajettigimen bailanystyrǵan.
2019 jyly sáýir aiynda áskeri tóńkeristen keiin diktator bilikten ketirildi. Ol jemqorlyq jasaǵany úshin 2 jylǵa bas bostandyǵynan aiyryldy. Sýdan úkimeti saiasatkerdi halyqaralyq qylmystar jónindegi Gaaga sotyna tapsyrýǵa kelisken. Onda ál-Bashir genotsid aiybyna bailanysty jaýap beredi.
