رەسەي سۋدان اۋماعىندا قىزىل تەڭٸز جاعالاۋىندا ەسكەري-تەڭٸز فلوتتى ماتەريالدىق-تەحنيكالىق تۇرعىدا قامتاماسىز ەتەتٸن پۋنكت اشادى. رەسەي پرەمەر-مينيسترٸ ميحايل ميشۋستين ارنايى ٷكٸمەت قاۋلىسىنا قول قويعان. جوبا ەسكەري تٶڭكەرٸستەن كەيٸن قۇلاتىلعان سۋداننىڭ بۇرىنعى پرەزيدەنتٸمەن تالقىلانعان.
قۇجات بويىنشا, رەسەي بازاسىندا 300-گە دەيٸن ادام قىزمەت ەتە الادى جەنە تٶرت كەمەنٸڭ ورنالاسۋىنا جاعداي جاسالادى. يادرولىق قوندىرعىسى بار كەمە ۇستاۋعا دا رۇقسات ەتٸلگەن. كەلٸسٸم مەرزٸمٸ - 25 جىل. تاراپتار قارسى بولماسا, 10 جىل سايىن مەرزٸمٸ اۆتوماتتى تٷردە ۇزارتىلىپ وتىرادى.
قىزىل تەڭٸزدە رەسەي بازاسى سالىنۋى مٷمكٸن ەكەنٸن 2017 جىلى سوچيگە ساپارى كەزٸندە پرەزيدەنت ومار ەل-باشير ايتقان. ول جوبانى "اقش اگرەسسيياسىنان قورعانۋ" قاجەتتٸگٸمەن بايلانىستىرعان.
2019 جىلى سەۋٸر ايىندا ەسكەري تٶڭكەرٸستەن كەيٸن ديكتاتور بيلٸكتەن كەتٸرٸلدٸ. ول جەمقورلىق جاساعانى ٷشٸن 2 جىلعا باس بوستاندىعىنان ايىرىلدى. سۋدان ٷكٸمەتٸ ساياساتكەردٸ حالىقارالىق قىلمىستار جٶنٸندەگٸ گااگا سوتىنا تاپسىرۋعا كەلٸسكەن. وندا ەل-باشير گەنوتسيد ايىبىنا بايلانىستى جاۋاپ بەرەدٸ.
