Resei jáne Qyrǵyzstannyń qarjy ministrleri eki el arasyndaǵy qaryzdardy retteý týraly hattamaǵa qol qoidy. Qujat qyrǵyz prezidenti Almazbek Atambaevtyń Reseige resmi sapary barysynda qabyldandy.
Hattama boiynsha, Resei Qyrǵyzstannyń 240 million dollar qaryzyn keshiredi. Reseige qaryz "Qyrǵyzstannyń damýyna kómek" esebinde óshiriledi.
Buǵan deiin - 2016 jyldyń alǵashqy toqsanynda Resei Qyrǵyzstannyń 30 million dollar bereshegin keshirgen. Sońǵy 11 jyldyń ishinde Resei bul eldiń 703,2 million dollar bereshegin joiyp otyr.
Atambaevtyń Reseige sapary barysynda eki el arasyndaǵy odaqtastyq pen strategiialyq áriptestikti nyǵaitý týraly jańa deklaratsiia qabyldandy. Qujattyń negizgi bóligi terrorizmmen kúreske arnalǵan.
"Taraptar ortaq áskeri-strategiialyq keńistik aiasynda birlesken qorǵanysty kúsheitedi" delingen deklaratsiiada. Atap aitqanda, Resei men Qyrǵyzstan birlesken aimaqtyq zymyrannan qorǵanys keshenin qurýǵa kelisti.
