رەسەي جەنە قىرعىزستاننىڭ قارجى مينيسترلەرٸ ەكٸ ەل اراسىنداعى قارىزداردى رەتتەۋ تۋرالى حاتتاماعا قول قويدى. قۇجات قىرعىز پرەزيدەنتٸ المازبەك اتامباەۆتىڭ رەسەيگە رەسمي ساپارى بارىسىندا قابىلداندى.
حاتتاما بويىنشا, رەسەي قىرعىزستاننىڭ 240 ميلليون دوللار قارىزىن كەشٸرەدٸ. رەسەيگە قارىز "قىرعىزستاننىڭ دامۋىنا كٶمەك" ەسەبٸندە ٶشٸرٸلەدٸ.
بۇعان دەيٸن - 2016 جىلدىڭ العاشقى توقسانىندا رەسەي قىرعىزستاننىڭ 30 ميلليون دوللار بەرەشەگٸن كەشٸرگەن. سوڭعى 11 جىلدىڭ ٸشٸندە رەسەي بۇل ەلدٸڭ 703,2 ميلليون دوللار بەرەشەگٸن جويىپ وتىر.
اتامباەۆتىڭ رەسەيگە ساپارى بارىسىندا ەكٸ ەل اراسىنداعى وداقتاستىق پەن ستراتەگييالىق ەرٸپتەستٸكتٸ نىعايتۋ تۋرالى جاڭا دەكلاراتسييا قابىلداندى. قۇجاتتىڭ نەگٸزگٸ بٶلٸگٸ تەرروريزممەن كٷرەسكە ارنالعان.
"تاراپتار ورتاق ەسكەري-ستراتەگييالىق كەڭٸستٸك اياسىندا بٸرلەسكەن قورعانىستى كٷشەيتەدٸ" دەلٸنگەن دەكلاراتسييادا. اتاپ ايتقاندا, رەسەي مەن قىرعىزستان بٸرلەسكەن ايماقتىق زىمىراننان قورعانىس كەشەنٸن قۇرۋعا كەلٸستٸ.
