Foto: Resei TJM
Reseidiń Altai aimaǵynda 500-ge jýyq ǵimaratty sý basty, dep habarlaidy "Ult aqparat" Baq.kz-ke silteme jasap.
Sý tasqyny naýryz aiynyń sońynda bastaldy. Óńirde tótenshe jaǵdai rejimi engizilip, kóshýge májbúr bolǵan turǵyndar úshin ýaqytsha ornalastyrý ortalyqtary quryldy. Altai ólkesiniń biligi alapat sý tasqyny qystaǵy aýa raiynyń qalyptan tys jaǵdailarynan bolǵanyn aitty.
Basynda qar óte az jaýdy, qatty aiaz boldy, jer ádettegiden 50-70 santimetrge, al kei jerlerde 1-1,2 metrge qalyń qatty. Muz qyrtysy qalyńdap, jer betinde qalyń toń qabat paida boldy, ol sýdyń sińýine jol bermedi, - dedi gýbernator Viktor Tomenko.
Odan keiin jyly aýa raiy kúrt aiazǵa aýysty deidi ol.
Resei Tótenshe jaǵdailar ministrliginiń málimetinshe, 9 jol ýchaskesine shekteý engizildi. Úsh ýaqytsha ornalastyrý ortalyǵynda 165 adam bar. Olarǵa barlyq qajetti kómek kórsetilip jatyr. Sondai-aq jaǵdai únemi dronmen baqylanýda.
