Foto: almaty-akshamy.kz
Qazaqstan prezidenti Qasym-Jomart Toqaevtyń ákesi Kemel Toqaevtyń Uly Otan soǵysyna qatysqany týraly qujattaryn Reseidiń Qorǵanys ministrligi jariialady. Bul týraly Reseidiń "1 kanalyna" silteme jasap Ult.kz habarlaidy.
Qujatta qaraýyl serjantynyń marapattaý paraǵy jáne ekinshi dárejeli Otan soǵysy ordenine usynylǵany týraly málimet bar.
Erlik týraly málimetter: 1945 jyldyń qańtary, Polsha territoriiasy. Nemister bizdiń pozitsiialarymyzǵa qarsy shabýyl jasap, jaý keri qýyldy. Toqaev jaýdyń pozitsiiasyna birinshi bolyp kirip, vermahttyń bes soldatyn óltirip, bireýin tutqynǵa aldy. Ol aiaǵynan jaraqat aldy, biraq joldastaryna oraldy. «Erligi úshin» jáne «Stalingradty qorǵaǵany úshin» medaldarymen marapattalǵan.
Sonymen qatar, Qazaqstan Prezidentiniń aǵasy da maidanda shaiqasqany belgili boldy. Qasym-Jomart Toqaevtyń aǵasy Rjev túbindegi urysta qaza tapqan.
Aita keteiik, Prezident Toqaev 9 mamyrda Resei Federatsiiasynyń astanasy Máskeý qalasynda ótetin sherýge qatysady.
