Máskeý AQSh sanktsiialaryna qarsy sharalar týraly zań jobasyn qabyldaý máselesin uzaqqa sozbaidy, dep málimdedi RF SIM basshysynyń orynbasary Sergei Riabkov.
"Bul mańyzdy zań jobasy tez qaralady degen oidamyn. Óitkeni qalyptasyp otyrǵan jaǵdaidyń ózi barynsha kúsh-jiger tanytýdy talap etip otyr", — dedi Riabkov RIA Novosti portalyna.
Ol qazir syrtqy ister ministrligi AQSh sanktsiialaryna qarsy qashan jáne qandai shara qoldanylatynyn naqty aita almaitynyn atap ótti. Alaida jyldam qimyldaý úshin saiasi qajettilik bar, deidi diplomat.
Juma kúni Memlekettik dýma spikeri Viacheslav Volodin men fraktsiia jetekshileri parlamenttiń tómengi palatasyna AQSh sanktsiialaryna qarsy sharalar qabyldaýdy kózdeitin zań jobasyn engizgen bolatyn. Qujatta Amerikanyń aýyl sharýashylyǵy, alkogol jáne temeki ónimderin elge ákelýge tyiym salý qarastyrylǵan.
