2018 jyldyń 25 mamyrynan 25 shildesine deiin, Reseide fýtboldan Álem chempionaty ótýine bailanysty, Máskeý, Sankt-Peterbýrg, Qazan, Sochi, Volgograd, Ekaterinbýrg, Kaliningrad, Nijnii Novgorod, Dondaǵy Rostov, Samara jáne Saransk qalalarynda shetel azamattaryn tirkeýdiń erekshe erejeleri qoldanylady.
25 mamyrdan bastap joǵaryda atalǵan qalalarǵa baratyn Qazaqstan azamattary bir táýlik ishinde kóshi-qon jónindegi jergilikti organda tirkeledi, kóshi-qon organdary 25 mamyrdan 25 shildege deiin kúsheitilgen rejimde jumys isteidi.
Osy erejeler Máskeý, Sankt-Peterbýrg, Qazan, Sochi, Volgograd, Ekaterinbýrg, Kaliningrad, Nijnii Novgorod, Dondaǵy Rostov, Samara jáne Saransk qalalaryna barǵan shetel azamattaryna ǵana júredi, al eldiń basqa óńirlerinde burynǵy tártip saqtalady. Iaǵni RF-ǵa 30 kúnnen az ýaqytqa barǵan Qazaqstan azamattary tirkelýge mindetti emes.
Qonaqúilerde, sanatoriilerde, demalys úileri nemese basqa da ýaqytsha ornalasý oryndarynda ýaqytsha turatyn Qazaqstan azamattarynyń tirkelýine qabyldaýshy tarap (qonaqúi, sanatorii, t.b. ákimshiligi) jaýapty.
Konsýldyq okrýgterge sáikes, RF qalalarynyń aýmaǵyndaǵy QR azamattary myna mekemelerge habarlasýyna bolady:
– Máskeý, Sochi jáne Dondaǵy Rostov – Máskeýdegi QR Elshiliginiń konsýldyq bólimine;
– Sankt-Peterbýrg jáne Kaliningrad – Sankt-Peterbýrgtegi QR Bas konsýldyǵyna;
– Qazan, Ekaterinbýrg, Nijnii Novgorod jáne Saransk – Qazandaǵy QR Bas konsýldyǵyna;
– Volgograd jáne Samara – Astrahandaǵy QR Konsýldyǵyna.
