Foto: Sergei Bobylev / TASS
"Resei gazynyń baǵasy Belarýske qaraǵanda Qazaqstan úshin arzanyraq bolady" degen boljam shyndyqqa janaspaidy, dep málimdedi "Gazprom" kompaniiasy. Bul týraly Sputnik Qazaqstan agenttigi habarlady.
"Qazaqstannyń Energetika ministri Almasadam Sátqaliev pen Energetika ministrliginiń baspasóz qyzmetine silteme jasap BAQ taratqan aqparat shyndyqqa janaspaitynyn habarlaimyz", - delingen kompaniianyń Telegram-kanalynda.
Buǵan deiin Sátqaliev Qazaqstannyń soltústik jáne shyǵys aýdandaryn gazdandyrý úshin Reseiden keletin gazdyń baǵasy eýropalyq naryqqa qaraǵanda birneshe ese tómen bolatynyn jáne Belarýske qaraǵanda arzanyraq bolýy múmkin ekenin aitqan bolatyn.
"Olar (reseilik jetkizýshiler) bizge gazdy Belarýs elinen áldeqaida tómen baǵamen beredi. Bizde aldyn ala kelissóz júrip jatyr. Iaǵni, Resei de tiimdi jumys tek ekijaqty rejimde ǵana múmkin bolatynyn túsinedi, bul eýropalyq baǵadan birneshe ese tómen jáne Resei - Belarýs shekarasynan áldeqaida tómen", - dep túsindirdi Satqaliev Úkimette.
Onyń aitýynsha, vedomstvo "Gazprommen" kelissóz júrgizip jatyr. Ministr Qazaqstannyń qajettiligin óteý úshin gaz qubyryn salý týraly aityp otyrǵanyn, sondai-aq Qytaiǵa da tartýǵa múmkindigi baryn jetkizdi.
