Resei elshisiniń Túrkiiada óltirilýinen keiin qazaqstandyq diplomattardyń qaýipsizdigin qamtamassyz etý sharalary kúsheitiledi. Bul týraly QR syrtqy ister ministriniń orynbasary Erjan Áshikbev málimdedi, - dep habarlaidy "Ult aqparat" kaz.tengrinews.kz portalyna silteme jasap.
"Árine, bul akt qabyldaýǵa kelmeitin jait. Biz ony tolyqtai aiyptaimyz. Bizdiń diplomatardyń sheteldegi qaýipsizdigi týraly aitsaq, bul jumys úzdiksiz atqarylyp keledi. Ókinishke qarai, álemdegi qazirgi jaǵdai qaýipsiz emes, sondyqtan sheteldegi bizdiń diplomattardyń, jalpy azamattarymyzdyń qaýipsizdigi ministrliktiń úzdiksiz baqylaýynda", - deidi vitse-ministr.
Jýrnalisterdiń suraǵyna jaýap bere otyryp, Áshikbaev qazaqstandyq diplomattardyń sheteldegi qaýipsizdik sharalary kúsheitiletinin aitty.
"Álbette, saqtandyrý sharalary júrgiziledi. Bizdiń azamattarymyzǵa únemi aitatyn keńesimiz - qaýipsizdik jaǵdaiy shielenisken, nasharlaǵan jaǵdaida adamdar kóptep jinalatyn oryndardan aýlaq bolyp, osyndai iri sharalar ótkizilgen kezde saq bolýyǵa shaqyramyz", - dedi ol.
"Kelissózderge qatysty - bul bólek másele. Biz eki tarapty da bul máselege baiyppen kelip, jaqynda ǵana qalpyna kele bastaǵan qarym-qatynasty buzyp almasyn degimiz keledi. Biz Qazaqstannyń mańyzdy seriktesteri bolyp keletin eki el arasyndaǵy qarym-qatynastyń buzýylýyna sebep bolǵan qaiǵyly oqiǵany esten shyǵarǵan joqpyz", - dep aita ketti Áshikbaev.
Eske salaiyq, Reseidiń Túrkiiadaǵy elshisine tikelei efirde qastandyq jasalǵan bolatyn. Reseidiń Túrkiiadaǵy elshisine shabýyl Túrkiia astanasyndaǵy zamanaýi óner ortalyǵyndaǵy kórmeniń ashylý saltanatynda jasaldy. Kýágerlerdiń aitýynsha, mekemege qarýly adam kirip kelip, diplomattyń artynan oq atqan. 62 jastaǵy diplomatqa minberde sóz sóz sóilep turǵanda jasalǵan. Politseiler oǵan shabýyl jasaǵan adamnyń kózin joidy. Bul oqiǵany túrik telearnasy tikelei efirde kórsetip jatqan. Keiin QR SIM Reseidiń Túrkiiadaǵy elshisi Andrei Karlovqa jasalǵan qastandyq týraly pikir bildirdi.
.jpeg)