Resei elshiligi qazaqstandyqtardy sailaýdyń sátti ótýimen quttyqtady, dep habarlaidy Sputnik Qazaqstan.
"Qazaqstandyq dostardy kezekten tys ótken prezident sailaýymen, al Qazaqstan Respýblikasynyń Prezidenti Qasym-Jomart Kemeluly Toqaevty jeńisimen shyn júrekten quttyqtaimyz!"- delingen ókildiktiń áleýmettik jelidegi paraqshasynda.
Olar sailaýdyń barlyq kandidattar úshin ashyq, ádil jáne teń jaǵdaida ótkendigin atap ótti.
"Qazaqstan Respýblikasynyń zańnamasyna jáne halyqaralyq sailaý standarttaryna tolyq sáikes elektoraldyq protsesti daiyndaý men ótkizýdiń joǵary deńgeiin kórsetti. Buǵan Qazaqstanǵa Reseiden kelgen kóptegen halyqaralyq baiqaýshylardyń qorytyndylary dálel bola alady", - dep atap ótti elshilik.
Olar sondai-aq daýys berý qorytyndysy Qazaqstan halqynyń qazirgi Prezidentti keńinen jáne biraýyzdan qoldaitynyn rastady. Resei elshiligi qazaqstandyqtarǵa órkendeý tilep, resei-qazaqstan qatynastarynyń odan ári tabysty ári serpindi damýyna jáne nyǵaiýyna senim bildirdi.
