Belarýsti ainalyp ushpaq bolǵan Eýropanyń áýe kompaniialaryna tiesili birneshe reis Reseidiń áýe keńistigine kire almady. Resei taraby sebebin túsindirmedi, dep jazady Azattyq.
26 mamyrda frantsýzdyń Air France áýe kompaniiasy reis baǵytyn ózgertip ushýǵa qatysty Resei biliginen ruqsat ala almai, Parij – Máskeý baǵyty boiynsha ushatyn AF1154 reisin 27 mamyrǵa aýystyrýǵa májbúr bolǵan. 27 mamyrda reis múlde ushpai qaldy. Degenmen qazir Air France Máskeýge baratyn reisterin toqtatpaǵan.
"Erteń jáne arǵy kúni Máskeýge ushatyn reister bar, ázirge keste ózgermedi" dedi kompaniia ókili.
27 mamyrda Venadan Máskeýge ushýy tiis Austrian Airlines OS601 reisi de usha almai qaldy. Áýe kompaniiasy muny retteýshi organnyń Belarýsti ainalyp ushý týraly rekomendatsiiasy men Resei biliginiń jańa baǵytty maquldamaýymen bailanystyrdy.
"Jańa ushý baǵytyn bilik maquldaýy tiis. Resei biligi bizge ruqsat bergen joq. Nátijesinde Austrian Airlines búgin Venadan Máskeýge ushýy tiis bolǵan reisti keiinge shegerdi" delingen kompaniia relizinde.
Reuters-tiń jazýynsha, Eýropanyń áýe kompaniialary 25 mamyrdan bastap Belarýsti ainalyp ushyp ótetindei lainerleriniń baǵytyn ózgerte bastaǵan. Bul 23 mamyrda Afinydan Vilniýske qarai ushqan Ryanair ushaǵyn jolshybai Minskige májbúrlep qondyryp, ushaqtan oppozitsiialyq jýrnalist pen onyń júrgen qyzy Sofiia Sapeganyń ustalýyna qatysty halyqaralyq qaýymdastyqtyń reaktsiiasy.
Týǵan elinde Protasevichke "jappai tártipsizdik uiymdastyrǵany úshin" uzaq jyl túrme jazasy berilýi múmkin.
- Eýropanyń aviatsiia qaýipsizdigi jónindegi agenttigi Ryanair ushaǵyna qatysty oqiǵadan keiin barlyq halyqaralyq kompaniialardy Belarýs arqyly ushpaýǵa úndedi.
