بەلارۋستٸ اينالىپ ۇشپاق بولعان ەۋروپانىڭ ەۋە كومپانييالارىنا تيەسٸلٸ بٸرنەشە رەيس رەسەيدٸڭ ەۋە كەڭٸستٸگٸنە كٸرە المادى. رەسەي تارابى سەبەبٸن تٷسٸندٸرمەدٸ, دەپ جازادى ازاتتىق.
26 مامىردا فرانتسۋزدىڭ Air France ەۋە كومپانيياسى رەيس باعىتىن ٶزگەرتٸپ ۇشۋعا قاتىستى رەسەي بيلٸگٸنەن رۇقسات الا الماي, پاريج – مەسكەۋ باعىتى بويىنشا ۇشاتىن AF1154 رەيسٸن 27 مامىرعا اۋىستىرۋعا مەجبٷر بولعان. 27 مامىردا رەيس مٷلدە ۇشپاي قالدى. دەگەنمەن قازٸر Air France مەسكەۋگە باراتىن رەيستەرٸن توقتاتپاعان.
"ەرتەڭ جەنە ارعى كٷنٸ مەسكەۋگە ۇشاتىن رەيستەر بار, ەزٸرگە كەستە ٶزگەرمەدٸ" دەدٸ كومپانييا ٶكٸلٸ.
27 مامىردا ۆەنادان مەسكەۋگە ۇشۋى تيٸس Austrian Airlines OS601 رەيسٸ دە ۇشا الماي قالدى. ەۋە كومپانيياسى مۇنى رەتتەۋشٸ ورگاننىڭ بەلارۋستٸ اينالىپ ۇشۋ تۋرالى رەكومەنداتسيياسى مەن رەسەي بيلٸگٸنٸڭ جاڭا باعىتتى ماقۇلداماۋىمەن بايلانىستىردى.
"جاڭا ۇشۋ باعىتىن بيلٸك ماقۇلداۋى تيٸس. رەسەي بيلٸگٸ بٸزگە رۇقسات بەرگەن جوق. نەتيجەسٸندە Austrian Airlines بٷگٸن ۆەنادان مەسكەۋگە ۇشۋى تيٸس بولعان رەيستٸ كەيٸنگە شەگەردٸ" دەلٸنگەن كومپانييا رەليزٸندە.
Reuters-تٸڭ جازۋىنشا, ەۋروپانىڭ ەۋە كومپانييالارى 25 مامىردان باستاپ بەلارۋستٸ اينالىپ ۇشىپ ٶتەتٸندەي لاينەرلەرٸنٸڭ باعىتىن ٶزگەرتە باستاعان. بۇل 23 مامىردا افينىدان ۆيلنيۋسكە قاراي ۇشقان Ryanair ۇشاعىن جولشىباي مينسكٸگە مەجبٷرلەپ قوندىرىپ, ۇشاقتان وپپوزيتسييالىق جۋرناليست پەن ونىڭ جٷرگەن قىزى سوفييا ساپەگانىڭ ۇستالۋىنا قاتىستى حالىقارالىق قاۋىمداستىقتىڭ رەاكتسيياسى.
تۋعان ەلٸندە پروتاسەۆيچكە "جاپپاي تەرتٸپسٸزدٸك ۇيىمداستىرعانى ٷشٸن" ۇزاق جىل تٷرمە جازاسى بەرٸلۋٸ مٷمكٸن.
- ەۋروپانىڭ اۆياتسييا قاۋٸپسٸزدٸگٸ جٶنٸندەگٸ اگەنتتٸگٸ Ryanair ۇشاعىنا قاتىستى وقيعادان كەيٸن بارلىق حالىقارالىق كومپانييالاردى بەلارۋس ارقىلى ۇشپاۋعا ٷندەدٸ.
