12-17 jas aralyǵyndaǵy shamamen 300 bala men jasóspirim koronavirýsqa qarsy «Spýtnik V» vaktsinasynyń klinikalyq zertteýlerine qatysady. Jáne ár jasqa arnalǵan preparattyń belgili bir kontsentratsiiasy tańdalady. Bul týraly Gamaleia atyndaǵy ortalyqtyń direktory Aleksandr Gintsbýrg aitty, dep habarlaidy TASS agenttigi.
«Balalarǵa jasalatyn zertteýlerdiń eresekterge jasalǵan klinikalyq zertteýlerden eshqandai ereksheligi joq, tek bul jaǵdaida «Spýtnik V» vaktsinasynyń kontsentratsiiasy ár jasqa ártúrli belgilenedi. Vaktsinanyń qalai jumys isteitinin baqylaimyz. Janama áserleri az bolady dep oilamyn. Eger aralastyrylǵan doza tiimdi bolsa, osymen toqtaimyz. Zertteýlerge 12-17 jas aralyǵyndaǵy 350 bala qatysady dep josparlap otyrmyz», - dedi ǵalym.
Gintsbergtiń aitýynsha, preparattyń tirkelýi shamamen 20 qyrkúiekke josparlanyp otyr. Bul – «Spýtnik V» vaktsinasynyń dozasy, alaida tirkeý kýáligi basqasha bolady», - dep túsindirdi ol.
Budan erte Gameleia atyndaǵy ortalyqtyń basshysy ǵalymdardyń Densaýlyq saqtaý ministrligine balalar men jasóspirimderge zertteý jasaýǵa ruqsat alý úshin qajetti qujattardy tapsyrǵanyn habarlaǵan. Máskeý qalasy meriniń áleýmettik damý máseleleri boiynsha orynbasary Anastasiia Rakovanyń málimetinshe, jasóspirimder arasynda «Spýtnik V» vaktsinasyn synaý shilde aiynyń basynda bastalmaq.
