Resei qorǵanys ministrligi dúisenbi kúni Palmiranyń soltústik-shyǵysyndaǵy "terrorister nysanyna" áýeden soqqy jasaǵanyn habarlady. Arabnews agenttiginiń jazýynsha, terrorister shoǵyrlanǵan nysandar anyqtalǵannan keiin Resei áýe-ǵarysh kúshteri shamamen 200 sodyr men eki jasyryn nysannyń kózin joiǵan.
Siriiadaǵy qarsy taraptardy bitistirý jáne bosqyndar legin baqylaý ortalyǵynyń málimetinshe, Palmiranyń soltústik-shyǵysynda sodyrlardyń jasyryn bazasy ornalasqan, onda túrli aimaqta terakt júrgizý maqsatynda sodyrlar toby jasaqtalyp otyrǵan.
Terrorister orny aiqyndalǵannan keiin Resei áýe-ǵarysh kúshteri nysandarǵa soqqy bergen. Sonyń nátijesinde eki jasyryn nysan, 200-ge deiin sodyr, iri kalibrli pýlemettar bar 24 pikap, sonymen birge shamamen 500 kilo oq-dári jáne bomba jasaýǵa qajet bólshekter joiylǵan.
Siriiada azamattyq soǵys 2011 jyly kóktemde bastalǵan, izinshe ol Bashar Asad rejimine qarsy narazylyqqa ulasty. Keiinirek qaqtyǵysqa aimaqtaǵy negizgi memleketter, halyqaralyq uiymdar, saiasi-áskeri toptar men halyqaralyq derjavalar aralasty.
Siriiadaǵy qaqtyǵysqa qatysýshylar: prezident Bashar Asad jaǵynda soǵysyp jatqan qarýly áskeri toptar (Siriia qarýly kúshteri), Siriia oppozitsiiasy (Siriiany azat etý armiiasy, súnnittik taipalyq qurylymdar), kúrd jasaqtary (Siriia demokratiialyq kúshteri), sonymen birge túrli dini terroristik toptar, shetelden kelgen eriktiler.
Qaqtyǵysqa qatysýshylar ózge memleketterden áskeri kómek alady. Úkimet kúshterin – Resei men Iran, Siriia oppozitsiiasyn batys derjavalary, Túrkiia jáne Parsy shyǵanaǵyndaǵy monarhiialar qoldaidy.
