Resei Tergeý komitetiniń aimaqtyq basqarmasy men Ishki ister ministrligi smartfondardyń sońǵy modelderin buzatyn qurylǵylar satyp alǵan. Bul týraly aqparatty BBC Reseidiń memlekettik satyp alýlar saitynan tapqan.
Quqyq qorǵaý organdary deldaldar arqyly Izraildiń smartfondardy, onyń ishinde sońǵy shyqqan iPhone X-ti buzatyn quraldar shyǵaratyn Cellebrite kompaniiasynyń ónimderin satyp alǵan. Kompaniianyń málimetinshe, tehnologiia gadjetten sýretterdi, shalynǵan qońyraýlardy jáne messendjerlerdegi hat-habarlar men jazbalardy kóshirip ala alady.
Tergeý komitetiniń Volgograd oblysy boiynsha basqarmasy jańa qural-jabdyqty 800 myń rýblge satyp alǵan. Ishki ister ministrliginiń Habarovsk ólkesi boiynsha basqarmasy barlyǵy bir million rýblge qurylǵy alǵan.
2016 jyly Tergeý komiteti vedomstvo qyzmetkerleri zamanaýi smartfondardy buzatyn tehnologiiany qoldanatynyn resmi túrde rastaǵan.
