Foto: ©RIA Novosti
Tsifrlyq damý jáne aeroǵarysh ónerkásibi ministrligi Reseidiń Federaldyq qaýipsizdik qyzmeti Qazaqstandaǵy «Iandeks. Taksi» derekterin táýlik boiy alyp otyrady delingen aqparatqa qatysty pikir bildirdi, dep habarlaidy QazAqparat agenttigi.
«Búginde Qazaqstan Respýbilkasynyń azamattarynyń óziniń qalaýymen sheteldik servisterdi derbes qoldanýǵa quqyǵy bar. Degenmen, Qazaqstan Respýblikasynyń «Jedel izdestirý qyzmeti týraly» Zańynyń 8-babyna sáikes, jedel izdestirý qyzmetin júzege asyratyn ókiletti organdar Qazaqstan Respýblikasynyń zańnamalyq aktilerinde belgilengen kommertsiialyq, banktik jáne zańmen qorǵalatyn ózge de qupiialardy quraityn málimetterdi jariia etpeý talabymen ózge uiymdardan jedel izdestirý qyzmeti mindetterin sheshýde mańyzǵa ie aqparattardy qaitarymsyz alýǵa jáne paidalanýǵa quqyly», - delingen ministrlik aqparatynda.
Vedomstvonyń atap ótýinshe, mundai talap búkil elde, onyń ishinde Resei Federatsiiasynda da bar.
Aqparattyq qyzmettiń deregine sáikes, qazaqstandyq «Iandeks. Taksi» kompaniiasy reseilik arnaýly qyzmet ózderiniń qoldanýshylary derekterin ala alady degen aqparatty joqqa shyǵardy.
«Resei zańnamasy Qazaqstandaǵy serviske jáne onyń qoldanýshylaryna júrmeidi. Óitkeni, olar Reseiden tys jerde sapar jasaidy jáne qosymshany qoldanady. Bul 1 qyrkúiekten keiin de ózgermeidi. Qazaqstandaǵy qoldanýshylarǵa Iandeks Go qyzmetin usynatyn qazaqstandyq «Iandeks. Taksi korp» JShS qoldanýshylardyń derbes derekterin respýblika zańnamasyna sai óńdeidi. Sonymen qatar, derek sýbektileriniń kózdelgen barlyq quqyǵyn qamtamasyz etedi», - dep sendiredi kompaniiadan.
Qazaqstandaǵy servistiń qyzmetimen bailanysty derekter sheteldik (onyń ishinde reseilik) ókiletti memlekettik organdar tarapynan resmi saýal arqyly jáne belgilengen halyqaralyq proedýralar aiasynda ǵana suralýy múmkin.
Buǵan deiin qazaqstandyq Internet qoldanýshylar kompaniianyń domendik paraqshasyna kirý múmkin emestigin atap ótken bolatyn. Osy jaitqa bailanysty da Tsifrlyq damý ministrligi pikir bildirgen edi.
«Ministrlik zań buzýshy domenderdiń jumys isteýine tolyqtai tyiym salý maqsatyn alǵa qoiyp otyrǵan joq. Bul rette zańnamany buzǵan domenge kirýge ýaqytsha shekteý qoiý tetigi qoldanlady. Júrgizilgen is-sharalardyń nátijesinde Iandek kompaniiasynan domenin el aýmaǵyna kóshirý merzimin uzartý týraly hat keldi», - dedi ministrliktiń baspasóz qyzmetinen.
Sonymen qatar, vedomstvo habarlamasyna qaraǵanda, Iandeks kompaniiasy Qazaqstan zańnamasynyń barlyq talaptaryn oryndaýǵa daiyn ekendigin bildirgen.
«Domenge kirýge ýaqytsha shekteý osy jyldyń 25 shildesindegi ministrliktiń saýalyna jaýap usynbaýy saldarynan qoldanyldy», - dedi ministrlikten.
