Respýblikalyq referendým kezinde «Daýys berýge qatysý quqyǵym buzyldy» dep eseptegen azamattar prokýrorlar men sotqa júgine alady. Bul týraly QR Bas prokýrorynyń aǵa kómekshisi Azamat Sarǵazin Ortalyq sailaý komissiiasynda ótken seminarda málim etti, dep habarlaidy QazAqparat.
«Buqaralyq aqparat quraldaryndaǵy úgit týraly aitsaq, anonimdik úgit materialdaryn taratýǵa, sondai-aq referndýmǵa 1 kún qalǵanda jáne referendým ótetin kúni úgit júrgizýge tyiym salynady. Ol úshin de ákimshilik jaýaptylyq qarastyrylǵan. Iaǵni, Ákimshilik quqyq buzý týraly kodekstiń 102 jáne 113-babymen jaýapqa tartylady», - dedi Bas prokýrordyń aǵa kómekshisi.
Sondai-aq, ol azamattardyń respýblikalyq referendýmǵa qatysý quqyǵy shektelse nemese buzylsa, prokýrorlar airyqsha quzyretiniń negizinde qylmystyq is qozǵai alatynyn aitty.
«Bul isterdi sottar qaraidy. Bul jerde atap ótkim keletini, azamattar mundai kedergilerge tap bolsa, sotqa tikelei júgine de alady», - dedi Azamat Sarǵazin.
