رەسپۋبليكالىق رەفەرەندۋم كەزٸندە «داۋىس بەرۋگە قاتىسۋ قۇقىعىم بۇزىلدى» دەپ ەسەپتەگەن ازاماتتار پروكۋرورلار مەن سوتقا جٷگٸنە الادى. بۇل تۋرالى قر باس پروكۋرورىنىڭ اعا كٶمەكشٸسٸ ازامات سارعازين ورتالىق سايلاۋ كوميسسيياسىندا ٶتكەن سەميناردا مەلٸم ەتتٸ, دەپ حابارلايدى قازاقپارات.
«بۇقارالىق اقپارات قۇرالدارىنداعى ٷگٸت تۋرالى ايتساق, انونيمدٸك ٷگٸت ماتەريالدارىن تاراتۋعا, سونداي-اق رەفەرندۋمعا 1 كٷن قالعاندا جەنە رەفەرەندۋم ٶتەتٸن كٷنٸ ٷگٸت جٷرگٸزۋگە تىيىم سالىنادى. ول ٷشٸن دە ەكٸمشٸلٸك جاۋاپتىلىق قاراستىرىلعان. ياعني, ەكٸمشٸلٸك قۇقىق بۇزۋ تۋرالى كودەكستٸڭ 102 جەنە 113-بابىمەن جاۋاپقا تارتىلادى», - دەدٸ باس پروكۋروردىڭ اعا كٶمەكشٸسٸ.
سونداي-اق, ول ازاماتتاردىڭ رەسپۋبليكالىق رەفەرەندۋمعا قاتىسۋ قۇقىعى شەكتەلسە نەمەسە بۇزىلسا, پروكۋرورلار ايرىقشا قۇزىرەتٸنٸڭ نەگٸزٸندە قىلمىستىق ٸس قوزعاي الاتىنىن ايتتى.
«بۇل ٸستەردٸ سوتتار قارايدى. بۇل جەردە اتاپ ٶتكٸم كەلەتٸنٸ, ازاماتتار مۇنداي كەدەرگٸلەرگە تاپ بولسا, سوتقا تٸكەلەي جٷگٸنە دە الادى», - دەدٸ ازامات سارعازين.
