Qazaqstanda ótetin referendýmǵa júzden astam halyqaralyq baiqaýshy akkreditteldi. Bul týraly Ortalyq sailaý komissiiasynyń tóraǵasy Nurlan Ábdirov aitty, dep habarlaidy QazAqparat.
«Referendýmda sheteldik uiymdar missiiasynyń halyqaralyq baiqaýǵa qatysýyna úlken mán beremiz. Bul elimiz úshin mańyzdy oqiǵaǵa sheteldik seriktesterdiń de qyzyǵýshylyǵyn kórsetedi. Ortalyq referendým komissiiasynyń otyrystarynda qaralǵan alǵashqy máselelerdiń biri – halyqaralyq baqylaý institýtyn ashý boldy. Qazirgi ýaqytta 100-den astam baqylaýshy akkreditteldi. Onyń ishinde EQYU DIAQB baqylaýshylar missiiasynyń ókilderi de bar», - dedi Nurlan Ábdirov Syrtqy ister ministrliginde ótken jinalysta.
OSK tóraǵasy qazirgi ýaqytta TMD, TMD Parlamentaralyq Assambleiasy, túrki memleketteri uiymy baiqaýshylarynyń missiialary akkredittelgenin atap ótti.
«Búginde 17 memlekettiń delegatsiia ókilderi akkreditteldi. Bul jumys jalǵasyp jatyr. Halyqaralyq baiqaýshylardy akkreditteý 30 mamyr kúni saǵat 18:00-ge deiin jalǵasady», - dedi N. Ábdirov.
Sailaý komissiiasynyń aqparaty boiynsha, respýblikalyq referendýmǵa elden tys ýchaskelerdi qosa alǵanda, barlyǵy 10 012 ýchaske tartylatyn bolady. Tizimge 11 mln 722 myń 536 azamat engizildi. 20 mamyrdan bastap azamattarǵa osy tizimderde ózderin tekserýge múmkindik berildi.
