قازاقستاندا ٶتەتٸن رەفەرەندۋمعا جٷزدەن استام حالىقارالىق بايقاۋشى اككرەديتتەلدٸ. بۇل تۋرالى ورتالىق سايلاۋ كوميسسيياسىنىڭ تٶراعاسى نۇرلان ەبدٸروۆ ايتتى, دەپ حابارلايدى قازاقپارات.
«رەفەرەندۋمدا شەتەلدٸك ۇيىمدار ميسسيياسىنىڭ حالىقارالىق بايقاۋعا قاتىسۋىنا ٷلكەن مەن بەرەمٸز. بۇل ەلٸمٸز ٷشٸن ماڭىزدى وقيعاعا شەتەلدٸك سەرٸكتەستەردٸڭ دە قىزىعۋشىلىعىن كٶرسەتەدٸ. ورتالىق رەفەرەندۋم كوميسسيياسىنىڭ وتىرىستارىندا قارالعان العاشقى مەسەلەلەردٸڭ بٸرٸ – حالىقارالىق باقىلاۋ ينستيتۋتىن اشۋ بولدى. قازٸرگٸ ۋاقىتتا 100-دەن استام باقىلاۋشى اككرەديتتەلدٸ. ونىڭ ٸشٸندە ەقىۇ دياقب باقىلاۋشىلار ميسسيياسىنىڭ ٶكٸلدەرٸ دە بار», - دەدٸ نۇرلان ەبدٸروۆ سىرتقى ٸستەر مينيسترلٸگٸندە ٶتكەن جينالىستا.
وسك تٶراعاسى قازٸرگٸ ۋاقىتتا تمد, تمد پارلامەنتارالىق اسسامبلەياسى, تٷركٸ مەملەكەتتەرٸ ۇيىمى بايقاۋشىلارىنىڭ ميسسييالارى اككرەديتتەلگەنٸن اتاپ ٶتتٸ.
«بٷگٸندە 17 مەملەكەتتٸڭ دەلەگاتسييا ٶكٸلدەرٸ اككرەديتتەلدٸ. بۇل جۇمىس جالعاسىپ جاتىر. حالىقارالىق بايقاۋشىلاردى اككرەديتتەۋ 30 مامىر كٷنٸ ساعات 18:00-گە دەيٸن جالعاسادى», - دەدٸ ن. ەبدٸروۆ.
سايلاۋ كوميسسيياسىنىڭ اقپاراتى بويىنشا, رەسپۋبليكالىق رەفەرەندۋمعا ەلدەن تىس ۋچاسكەلەردٸ قوسا العاندا, بارلىعى 10 012 ۋچاسكە تارتىلاتىن بولادى. تٸزٸمگە 11 ملن 722 مىڭ 536 ازامات ەنگٸزٸلدٸ. 20 مامىردان باستاپ ازاماتتارعا وسى تٸزٸمدەردە ٶزدەرٸن تەكسەرۋگە مٷمكٸندٸك بەرٸلدٸ.
