5 maýsymda ótetin respýblikalyq referendým kezinde 17 óńirdiń 11-i Konstitýtsiiaǵa engiziletin ózgeristerdi jaqtasa, onda oń sheshim qabyldanady. Bul týraly QR Ádilet vitse-ministri Alma Muqanova málim etti, dep habarlaidy QazAqparat.
«Referendýmǵa 1 ǵana másele shyǵarylady, iaǵni Konstitýtsiiaǵa túzetýler engizý. Eger 11 óńirdegi halyqtyń kópshiligi jaqtap daýys berse, onda túzetýler qabyldandy dep esepteledi. Eger bul kórsetkishke qol jetkizilmese, onda túzetýler qabyldanbaidy. Nelikten 11 qala? Túsindirip óteiin. «Respýblikalyq referendým týraly» Konstitýtsiialyq zań boiynsha referendýmǵa shyǵarylatyn máselege qatysýshy óńirler (oblystar, respýblikalyq mańyzy bar qalalar) azamattarynyń keminde úshten ekisi jaqtap daýys berse, onda sheshim qabyldanady», - dedi Alma Muqanova Ortalyq kommýnikatsiialar qyzmetinde ótken baspasóz máslihatynda.
Búginde elimizde 17 óńir bar.
«Aita keteiin, jańa 3 oblysty (Abai, Ulytaý, Jetisý oblystary) qurý týraly jarlyq biyl 8 maýsymnan bastap qoldanysqa engiziledi. Al referendým 5 maýsymda ótedi. Osylaisha 17 óńirdiń úshten ekisi – 11 óńirdi quraidy. Konstitýtsiiaǵa túzetýlerdi engizý týraly sheshim qabyldaý tolyǵymen halyqtyń erkine berilip otyr», - deidi ol.
