5 ماۋسىمدا ٶتەتٸن رەسپۋبليكالىق رەفەرەندۋم كەزٸندە 17 ٶڭٸردٸڭ 11-ٸ كونستيتۋتسيياعا ەنگٸزٸلەتٸن ٶزگەرٸستەردٸ جاقتاسا, وندا وڭ شەشٸم قابىلدانادى. بۇل تۋرالى قر ەدٸلەت ۆيتسە-مينيسترٸ الما مۇقانوۆا مەلٸم ەتتٸ, دەپ حابارلايدى قازاقپارات.
«رەفەرەندۋمعا 1 عانا مەسەلە شىعارىلادى, ياعني كونستيتۋتسيياعا تٷزەتۋلەر ەنگٸزۋ. ەگەر 11 ٶڭٸردەگٸ حالىقتىڭ كٶپشٸلٸگٸ جاقتاپ داۋىس بەرسە, وندا تٷزەتۋلەر قابىلداندى دەپ ەسەپتەلەدٸ. ەگەر بۇل كٶرسەتكٸشكە قول جەتكٸزٸلمەسە, وندا تٷزەتۋلەر قابىلدانبايدى. نەلٸكتەن 11 قالا? تٷسٸندٸرٸپ ٶتەيٸن. «رەسپۋبليكالىق رەفەرەندۋم تۋرالى» كونستيتۋتسييالىق زاڭ بويىنشا رەفەرەندۋمعا شىعارىلاتىن مەسەلەگە قاتىسۋشى ٶڭٸرلەر (وبلىستار, رەسپۋبليكالىق ماڭىزى بار قالالار) ازاماتتارىنىڭ كەمٸندە ٷشتەن ەكٸسٸ جاقتاپ داۋىس بەرسە, وندا شەشٸم قابىلدانادى», - دەدٸ الما مۇقانوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
بٷگٸندە ەلٸمٸزدە 17 ٶڭٸر بار.
«ايتا كەتەيٸن, جاڭا 3 وبلىستى (اباي, ۇلىتاۋ, جەتٸسۋ وبلىستارى) قۇرۋ تۋرالى جارلىق بيىل 8 ماۋسىمنان باستاپ قولدانىسقا ەنگٸزٸلەدٸ. ال رەفەرەندۋم 5 ماۋسىمدا ٶتەدٸ. وسىلايشا 17 ٶڭٸردٸڭ ٷشتەن ەكٸسٸ – 11 ٶڭٸردٸ قۇرايدى. كونستيتۋتسيياعا تٷزەتۋلەردٸ ەنگٸزۋ تۋرالى شەشٸم قابىلداۋ تولىعىمەن حالىقتىڭ ەركٸنە بەرٸلٸپ وتىر», - دەيدٸ ول.
