Madridtik «Real» Zinedin Zidannyń komandanyń bas jattyqtyrýshysy qyzmetinen ketkenin málimdedi, dep habarlaidy "Ult aqparat".
«Zidannyń sheshimin qurmetteýimiz kerek, onyń kásibiligine, adaldyǵyna jáne osy jyldar ishindegi oiyndar úshin bar kúsh-jigerin jumsaǵanyna, sondai-aq «Real Madrid» úshin mańyzǵa ie bolǵanyna alǵys bildiremiz», — delingen komandanyń resmi saitynda jariialanǵan málimdemede.
Zidan «Realdy» 2016 jyldan 2018 jylǵa deiin basqardy, sodan keiin 2019 jyly «koroldik klýbtyń» jattyqtyrýshysy boldy. Onyń basshylyǵymen madridtik klýb eki ret Ispaniia chempiony (2016/17, 2019/20), eki ret eldiń Sýperkýbogyn jeńip aldy (2017, 2019/20), úsh ret (2015/16, 2016/17, 2017/18) Chempiondar ligasynyń jeńimpazy atandy, eki ret (2016, 2017) ÝEFA Sýperkýbogyn enshiledi jáne eki ret (2016, 2017) álem chempionatynyń jeńimpazy boldy.
Aiaqtalǵan Ispaniia chempionatynyń qorytyndysy boiynsha «Real» týrnir kestesinde ekinshi orynǵa jaiǵasty. Komanda chempionatta altyn jeńip alǵan madridtik «Atletikodan» eki upai artta qaldy.
